06:16 07 Жалган Куран 2021
Түз эфир
  • USD84.8000
  • EUR101.1579
  • RUB1.1394
Коом
Кыскача шилтеме алуу
"Спутник V" вакцинасы (92)
555 0 0

Коронавируска каршы вакцина дүйнөдө биринчилерден болуп Россияда, Гамалея атындагы Эпидемиологиялык жана микробиология улуттук изилдөө борборунда, түзүлдү. Препаратты былтыркы жылдын август айында каттоодон өткөрүштү.

БИШКЕК, 19-янв. — Sputnik. COVID-19га каршы дүйнөдө биринчи түзүлгөн россиялык вакциналардын бири "Спутник V" препаратынын түзүүчүсү Денис Логунов Кыргызстанда туулган. Бул тууралуу KurskCity маалымат порталы билдирди.

Маалыматтарга караганда, Логунов 1978-жылы 13-ноябрда Фрунзе шаарында туулган. 2000-жылы Курскидеги мамлекеттик медициналык университеттин "Биомедициналык инженерия" факультетин аяктаган.

Таланттуу студенттин жөндөмүн окутуучулар байкап Гамалея атындагы Эпидемиологиялык жана микробиология улуттук изилдөө борборуна иш-тажрыйба топтоого жиберишкен. 2011-жылы ал доктордук диссертациясын жактаган.

© Sputnik / Рамиль Ситдиков
Гамалея атындагы илимий иштер боюнча борбордун директорунун орун басары, клеткалык микробиология лабораториясынын жетекчиси Денис Логунов (солдо)

43 жашында Россиянын Илимдер академиясынын мүчө-корреспонденти болууга жетишкен. Учурда ал Гамалея атындагы илимий борбордо директордун орун басары, клеткалык микробиология лабораториясынын жетекчиси болуп иштейт.

Гам-КОВИД-Вак деген аталыштагы россиялык вакцина кийин "Спутник V" деп өзгөртүлүп, анын жетекчилиги алдында түзүлгөн. Ал эки компоненттүү препарат: эмдөөдөн өткөндөн кийин, экинчисин 21 күндөн соң жасоо керек. Логуновдун тайпасында Курск медициналык университетинин эки бүтүрүүчүсү — Наталья Артемичева жана Дмитрий Шебляков бар.

2019-жылы Россия Федерациясынын президентинин жарлыгы менен "Ата Мекенге сиңирген эмгеги үчүн" II даражадагы ордени менен сыйланган. Ошондой эле жаш окумуштуу 140 илимий иштин автору, анын жетекчилиги менен төрт кандидаттык диссертация жакталганы айтылат.

Логунов өткөн жылы Sputnik агенттигине маек берип, коронавируска каршы вакцинаны сыноо кандай өткөнүн жана аны алган ыктыярчылардын абалы тууралуу айтып берген.

Тема:
"Спутник V" вакцинасы (92)

Тема боюнча

"Россия акчанын артынан куубайт". Европадагы ЖМКлар "Спутник V" тууралуу
Казакстанда "Спутник V" менен эмдөөнү эртерээк баштамай болушту
Белгилер:
коронавирус, вакцина, Россия, Кыргызстан

ЭҢ МААНИЛҮҮ