БИШКЕК, 12-сен. — Sputnik. Республикалык клиникалык жугуштуу илдеттер ооруканасына карантиндик режим киргизилгенин Республикалык штаб кабарлады.
Мындай чечимди Саламаттык сактоо министрлиги өлкөдөгү эпидемиологиялык абалды эске алуу менен кабыл алган. Бүгүн, 12-сентябрдан баштап, оорукана инфекциялык көзөмөлдү катуу сактоо менен өзүнүн профили боюнча бейтаптарды жаткыра баштады.
Ошондой эле этиологиясы белгисиз пневмония жана коронавирустук инфекция менен келген бейтаптар, анын ичинде балдар дагы Кыргыз-түрк "Достук" ооруканасына жаткырылмай болгон.
Күмөн жараткан жаңы оорукананын курулушу эмнеге кечигүүдө. Видеорепортаж
Андан сырткары, №6 шаардык клиникалык ооруканасы 26-октябрга чейин оңдоп-түзөө иштери үчүн жабылды.
Ал эми Шаардык медициналык тез жардам балдар клиникалык ооруканасы инфекциялык дарты бар балдарды кабыл алууну токтотуп, соматикалык дартка чалдыккандарды кабыл алууга өткөн.
Республикалык дерматологовенерологиялык борбор профили боюнча бейтаптарды кабыл алууну баштады.
