04:53 25 Тогуздун айы 2020
Түз эфир
  • USD80.6300
  • EUR95.4498
  • RUB1.0544
Коом
Кыскача шилтеме алуу
Коронавируска байланыштуу Кыргызстандагы кырдаал (2324)
48301

Мэрия өлкөдө эпидемиологиялык кырдаал турукташа электигин айтып, азырынча конок тосуп, той, маараке, куран окутууларды өткөрбөй коё турууга чакырды.

БИШКЕК, 4-сен. — Sputnik. Борбор калаада санитардык талаптарды бузган бир катар жайлар жабылды. Алар эпидемиологиялык абал турукташканча ачылбайт. Бул тууралуу мэриянын маалымат кызматы кабарлады.

"Санитардык талаптарды көп учурда коомдук тамактануучу жайлар, кафе жана ресторандар бузууда. Ошондой эле алардын катарында компьютер залдары, түнкү клубдар дагы бар. Булардын ишмердүүлүгүнө уруксат берилген эмес", — деп айтылат маалыматта.

Боронов: сентябрда эл массалык түрдө оорушу мүмкүн

Маалым болгондой, акыркы аптада мэриянын Санитардык-эпидемиологиялык инспекциясы 189 субъектини текшерип, 28 мыйзам бузган учурду аныктаган. Андан түшкөн айып пулдун жалпы суммасы 124 миң сомду түзгөн. 4-сентябрга карата инспекция 397 протокол түзүп, айып пулдун наркы 1 миллион 711 миңге жеткен. Санитардык эпидемиологиялык көзөмөл борбору тарабынан 1 520 протокол түзүлүп, 2 миллион 707 500 сом айып пул түшкөнү кабарланды.

Жабылган жайлардын тизмеси:

  • "Оюн", "Иллюзион", Evolution, "Олимп" компьютер клубдары;
  • "Оомат", "Паво", "Бильярдос" бильярд клубдары;
  • "Кайнар", Coyote Ugly, Metro Pub, "Сары-Челек", "Салтанат" ресторан жана түнкү клубдары.

Мэрия азырынча конок тосуп, той, маараке, куран окутууларды өткөрбөй коё турууга чакырды.

Тема:
Коронавируска байланыштуу Кыргызстандагы кырдаал (2324)

Тема боюнча

Казакстанда той-топур тууралуу кабарлаган кишиге 20 миң теңге сыйлык берилет
Белгилер:
карантин, протокол, айып пул, Бишкек мэриясы

ЭҢ МААНИЛҮҮ