Айыл чарба министрлиги: өлкө негизги үч азык менен толук камсыздалган

© Sputnik / Антон Денисов / Медиабанкка өтүүАзык-түлүк. Архив
Азык-түлүк. Архив - Sputnik Кыргызстан
Жазылуу
Министрдин айтымында, өлкө өзүн сүт, картошка жана жашылча менен толук камсыздайт. Ал эми калган алты азыктын түрүн импорт менен толуктамакчы.

БИШКЕК, 28-июл. — Sputnik. Кыргызстан учурда негизги тогуз азыктын үчөө менен камсыздалганын айыл чарба, тамак-аш өнөр жайы жана мелиорация министри Эркинбек Чодуев брифинг учурунда билдирди.

Анын айтымында, өлкө өзүн сүт, картошка жана жашылча менен толук камсыздайт. Ал эми калган алты азыктын түрүн импорт менен толуктамакчы.

Жалпы тизме төмөнкүдөй:

  • нан азыктары – 101,5 пайыз;
  • картошка — 105,8;
  • сүт — 133,2;
  • эт — 61,6;
  • жашылча жана бакча өсүмдүктөрү — 92,9;
  • мөмө-жемиш — 27,1%;
  • үй канаттууларынын жумурткасы — 78,8%;
  • кумшекер — 86,8 % түзөт.

Министрлик: азык-түлүк, керектелүүчү товарлардын экспортуна чектөө коюлду

Чодуев белгилегендей, кризистик шартта өлкөнү нан азыктары менен камсыз кылуу маселеси башкы орунга чыккандыктан, быйыл дан эгиндерине басым жасалды. Жалпы аянт 648,0 миң гектарды түзүп, өткөн жылдан 22,3 миң гектарга көп болду. Ошонун ичинен буудай 247,5 миң гектарга себилип, узаган жылдан 7,9 миң гектарга көп болду.

Жаңылыктар түрмөгү
0