10:30 11 Теке 2020
Түз эфир
  • USD77.8000
  • EUR87.8362
  • RUB1.0922
Коом
Кыскача шилтеме алуу
Коронавируска байланыштуу Кыргызстандагы кырдаал (1842)
107 0 0

Саламаттык сактоо министринин айтымында, стационарга жаткырылган бейтаптын бир нече күндөн кийин дене табы көтөрүлбөсө, анализдери чыгып калса ооруканадан чыгарылат.

БИШКЕК, 29-июн. — Sputnik. Кыргызстанда коронавирус жуктуруп ооруканада жаткан бейтаптар шарттуу түрдө 14 күндө эмес, айыккан учурунан тарта үйүнө чыгарыла баштайт. Бул шарттар каралган жаңы алгоритм тууралуу саламаттык сактоо министри Сабиржан Абдикаримов брифинг учурунда билдирди.

"Эми бейтаптарды 14 күнгө чейин кармап отурбайбыз. Маселен, стационарга жаткырылгандан бир нече күндөн кийин дене табы көтөрүлбөсө, абалы жакшы болсо, анализи таза чыкса дарыгери үйүнө чыгаруу чечимин кабыл алат", — деди министр.

Абдикаримов ден соолугу өтө оор адамдар ооруканага ПЦР-анализи жок жаткырыла турганын кошумчалады.

Кыргызстанда 1145 адам пневмония менен жабыркап, 54ү каза болду

"Азыркы шартка байланыштуу мобилдик топ менен Тез жардам кызматы кечирээк келип жатат. Ар кандай оорусу бар бейтаптар кездешет. Ошого байланыштуу абалы оорлор ПЦР-анализи жок эле, атайын даярдалган стационарларга жаткырылат", — деди Абдикаримов.

Кыргызстанда 29-июнга карата COVID-19 жуктургандардын жалпы саны 5 017ге жетти. Анын ичинен 2 294 жаран сакайып чыкса, 50 адам каза болгон.

Тема:
Коронавируска байланыштуу Кыргызстандагы кырдаал (1842)

Тема боюнча

Кыргызстанда 1145 адам пневмония менен жабыркап, 54ү каза болду
Коркунучтуу дарт экен! Ооруканадан кайрылуу жасаган 37 жаштагы милиционер көз жумду
Белгилер:
оорукана, бейтап, Сабыржан Абдикаримов, КР Саламаттык сактоо министрлиги

ЭҢ МААНИЛҮҮ