БИШКЕК, 29-май — Sputnik. Бүгүн Түштүк Корея Кыргызстанга гуманитардык жардам жеткирип берди. Бул тууралуу өкмөттүн маалымат кызматы кабарлады.
COVID-19 коронавирусу менен күрөшүүнүн алкагында жардам иретинде Түштүк Корея Кыргызстанга 300 миң доллар бөлүп, ага ПЦР-тесттер жана коронавируска тест алуучу жабдуулар сатып алынды.
Мындан тышкары Түштүк Кореядагы Кыргызстандын элчилигинин аракети менен 28 миңден ашуун доллар өлчөмүндө каражат табылып, ага дагы жеке компаниялардан жана өнөктөштөрдөн ПЦР-тесттер алынды.
"Жалпысынан 26 950 тестти бүгүн кореялык T"Way авиакомпаниясы Бишкекке чартердик каттам менен жеткирип берди", — деп айтылат билдирүүдө.
Мындан улам кыргыз өкмөтү Түштүк Корея тарапка көрсөткөн колдоосу үчүн ыраазычылык билдирди.
