БИШКЕК, 7-май — Sputnik. Коронавирус инфекциясынын жайылышы жай мезгилинде басаңдай түшөт. Бул тууралуу "Известия" басылмасы медицина илимдеринин доктору, профессор Анатолий Альтштейнге шилтеме берип жазды.
Адистин айтымында, жайкысын адамдын иммунитети башка мезгилдерге салыштырмалуу күчтүү болот.
“Бул жайында күндүн нуру ооруп калгандардын ичиндеги вирусту жок кылып жиберет дегенден кабар бербейт. Албетте, мындай болушу мүмкүн дагы эмес. Болгону жай мезгилинде адамдардын иммунитети күчтүү болот. Ошондой эле адамдар кыштагыдай бир жерге көп топтолбой бири-биринен оолагыраак жүрүшөт”, — деди вирусолог.
Анын айтымында, медиктер жайында эпидемия басаңдайт деп чоң үмүт артып жатышат.
