11:47 01 Кулжа 2020
Түз эфир
  • USD73.7678
  • EUR82.0114
  • RUB1.0426
Коом
Кыскача шилтеме алуу
2365 0 0

Брифинг учурунда биринчи вице-премьерге коронавирус жуктурган 61 жаштагы нарындык киши 100дөн ашык адам менен байланышканы айтылып, ага чара көрүлөбү деген суроо узатылды.

БИШКЕК, 30-мар. – Sputnik. Үй карантининде жаткандарды көзөмөлдөй турган атайын программа иштелип чыкты. Анын алкагында бир жарандын маршрутун карасак 24 саат тынбаган адамдай көрүндү. Бул тууралуу биринчи вице-премьер Кубатбек Боронов брифинг учурунда билдирди.

Анын айтымында, мындай көрүнүштөрдөн улам үй карантинин сактабагандарга чара колдонуу пландалып жатат.

"Учурда чет өлкөдөн келген адамдарды эки категорияга бөлүп карап жатабыз. Коронавирус жайылып жаткан өлкөлөрдөн келгендер сөзсүз түрдө карантинге алынат. Ал эми анча коркунуч жаратпаган мамлекеттен келгендер үй карантинине алынып, алар менен атайын келишим түзүлөт. Ал келишимге ылайык, жаран сыртка чыкпай, эл менен байланышын чектеши керек. Эгер эреже буза турган болсо анда жазаланат", — деди Боронов.

Брифинг учурунда биринчи вице-премьерге коронавирус жуктурган 61 жаштагы нарындык киши 100дөн ашык адам менен байланышканы айтылып, ага дагы чара көрүлөбү деген суроо узатылды.

"Эгер ага үй карантини боюнча эскертүү берилип, "эрежени сактайм" деген келишимге кол койгон болсо, кийин эрежени бузганы аныкталса, албетте, чара көрүлөт", — деди Боронов.

Эске салсак, 29-март күнү 26 адамдан коронавирус табылган. Алардын бири Нарын шаарынын тургуну болуп чыкты. Ал Пакистандан келип Бишкекте төрт күн жүргөн. Кийин Нарынга жети киши менен бир таксиде кеткени аныкталган.

Тема боюнча

Өкмөт жумушсуз калган кыргызстандыктарга азык-түлүк жагынан жардам берет
Кечээ коронавирус табылган 26 адамдын көбү өлкө ичинде жүрүп жуктурган
Кыргызстанда коронавирус жуктурууга шектүү делип 1459 адам жатат
Белгилер:
жаза, карантин, Нарын облусу, коронавирус, Кыргызстан

ЭҢ МААНИЛҮҮ