15:04 07 Чын Куран 2020
Түз эфир
  • USD84.8713
  • EUR91.6016
  • RUB1.1108
Коом
Кыскача шилтеме алуу
Коронавируска байланыштуу Кыргызстандагы кырдаал (771)
1513 0 0

Кыргызстандын бир нече аймагына эпидемиологиялык кырдаалдан улам өзгөчө абал киргизилди. Учурда республикада коронавирус жуктуруп алган 42 учур катталды.

Бүгүн Саламаттык сактоо министрлигинин өкүлдөрү коронавирус жуктургандар боюнча маалымат берүүнү улантат.

Жаңы билдирүү
  • 20:12

    Бул күндөр да өтөт! Музыканттардын бишкектиктерди колдогон видеосу.

     

  • 20:09

    Кыргызстандын үч шаарында жана үч районунда коменданттык саат башталды

    Бишкек, Ош, Жалал-Абад шаарлары жана Ноокат, Кара-Суу, Сузак райондоруна саат 20.00дөн тарта коменданттык саат башталды. Ал эртең мененки саат 7:00гө чейин созулат. 

  • 18:41

    Кыргызстандагы коронавирус көйгөйү боюнча Жээнбеков элге кайрылды

    Жээнбеков илдетке чалдыккандар менен байланышта болгондорду издетпей, телефон аркылуу билдирүүгө чакырды.

     

    Президент Кыргызстана Сооронбай Жээнбеков

    Сыноону бекем тартип менен жеңебиз! Президент Жээнбеков элге кайрылды

    Президент өлкөнүн бүткүл аймагына 22-марттан тарта өзгөчө кырдаал режими киргизилгенине карабай, эрежелерди бузган, тартипти сактабаган учурлар катталып жатканына токтолду.
    Дагы
  • 18:38

    Жамбыл облусунун 29 жаштагы тургунунан коронавирус аныкталды, ал буга чейин Кыргызстанга барып келген.

     

    Медицинский работник проверяет температуру у водителя на КПП на выезде из армянского Эчмиадзина (Вагаршапат). В стране усилены меры по профилактике коронавирусной инфекции.

    Казакстанда COVID-19 жуктурган киши Кыргызстанга келип кеткени айтылды

    Илдетке кабылган киши айдоочу болуп иштейт. Абалы канааттандырарлык. Алгач андан оорунун белгилери байкалган эмес, анализинин жыйынтыгы менен гана коронавирус жуктурганы аныкталган.
    Дагы
  • 18:27

    Ош шаарында 17 ишкананын кызматкерлери убактылуу иштебейт. Тизме

  • 18:25

    Англия ханзаадасы Чарльз коронавирус жуктуруп алды

    Ханзаада вирусту кимден жуктуруп алганын билүү мүмкүн эмес. Анткени ал өзүнүн милдетин аткарып, акыркы жумада көп иш-чараларга катышкан.

     

    Британский принц Чарльз, принц Уэльский, беседует с сотрудниками во время посещения Центра технического обслуживания British Airways (BAMC) в аэропорту Кардиффа в Южном Уэльсе 21 февраля 2020 года.

    ЖМК: Ханзаада Чарльз коронавирус жуктуруп алды

    Ханзаада вирусту кимден жуктуруп алганын билүү мүмкүн эмес. Анткени ал өзүнүн милдетин аткарып, акыркы жумада көп иш-чараларга катышкан.
    Дагы
  • 18:23

    Бишкек шаарынын комендатурасынын телефондору:

    +996 312 660616

    +996 312 660710

    +996 312 662134

    +996 312 660248

  • 18:19

    Коменданттык саат учурунда капысынан көчөдө калса эмне болот? Жооп

    Автомобильный затор на проспекте Чингиза Айтматова (бывшее Мира) во время черной пятницы в Бишкеке

    Коменданттык саат учурунда капысынан көчөдө калса эмне болот? Жооп

    Бишкек, Ош жана Жалал-Абад шаарларына, ошондой эле үч районго өзгөчө абал режими киргизилди. Анын алкагындагы саат 20.00дөн тарта 7.00гө чейин созулган коменданттык саатта бир дагы кишинин көчөгө чыгууга акысы жок.
    Дагы
  • 18:12

     Жалал-Абадда постто нөөмөттө тургандарга биотуалет коюлуп, бет кап таратылды.

     

    Кызыл-Кыяда постто нөөмөттө тургандарга биотуалет коюлуп, бет кап таратылды

    Кызыл-Кыя шаардык мэриясы дарыгер, санитардык-карантиндик посттордо нөөмөттө тургандарды коргоочу кийимдер менен камсыз кылуу үчүн жергиликтүү бюджеттин эсебинен 400 миң сом каражат бөлдү.
    Дагы
  • 18:08

    Алайдан Кара-Сууга өткөрбөй блокпостту куралчан аскерлер кайтарууда. Видео

  • 17:00

    “Бишкектин ичинде азык-түлүк ташып жүргөн автоунааларга, компаниялардын транспортторуна тыюу салынбайт”, - деди Алымкулов.

  • 16:59

    “Эл аралык уюмдар менен дипломатиялык өкүлчүлүктөрдүн кызматкерлерине Бишкектин ичинде коменданттык саатка чейин жүрүшүнө тыюу салынбайт”, - деди Орозалиев.

  • 16:57

    “Бүгүн Бишкекте автоунаалардын саны көп болуп жатат, себеби коомдук транспорт токтотулду. Эл ишке жеке автоунаасы менен барып жатат. Бирок, кадимкидей эле азайды”, - деди Орозалиев.

  • 16:56

    “Адам түндө чукулунан ооруп калса ооруканага бара жатса, абалды түшүндүрсө токтотулбайт.Биз тескерисинче жардам беребиз”,- деди Орозалиев.

  • 16:38

    “Кечки саат сегизге чейин үйүнө жетпей калган учурда адам укук коргоо органдарынын өкүлдөрүнө абалын түшүндүрүшү зарыл. Эгер адам соо, акыл-эсинде, чын эле олуттуу себеби болсо, кызматкерлер түшүнүү менен кабыл алат. Бирок бул 5-10 мүнөт кечиккен учурда гана. Бирок бардык жарандарга коменданттык сааттын бардык шарттарын сактоого чакырабыз”, — деди Алмазбек Орозалиев.

  • 16:35

    "Коменданттык саат учурунда бардык кыймылга - автоунаа менен да, жөө жүрүүгө да тыюу салынат. Бул туурасында жарандарга дагы бир ирет эскертебиз", - деди Бишкек шаарынын коменданты Алмазбек Орозалиев. 

     

  • 16:33

    “Өзгөчө абал учурунда медициналык бардык мекемелер иштөөгө милдеттүү”, — деди Бишкек шаарынын вице-мэри Азизбек Алымкулов

  • 16:32

    “Бишкек шаарынын аймагында тамак сатуу менен алектенген бардын кафе-ресторандар иштей алат. Учурда алар үйгө тамак жеткирип берүү кызматтарын көрсөтүп жатат. Бирок саат 20.00гө чейин жабылуусу зарыл”, — деди   вице-мэр Алымкулов. 

  • 16:31

    Бишкек шаарынын коменданты: журналисттер үчүн ары-бери жүрүүгө чек коюлбайт

  • 16:30

    Саат 20:00 учурунда Бишкек шаарынын ичинде басып жүргөн киши болбош керек

  • 16:27

    "Бишкектин чет жакасында жашап бирок Бишкекте иштеп жаткандар жумушунан документ алышы керек. Ал эми Бишкекте каттоосу док болгондор жашаган жеринен справка алышы керек. Алар өзгөчө абал учурунда ушул документтер менен жүрө алат", - деп айтты Бишкек шаарынын вице-мэри Азизбек Алымкулов. 

     

  • 16:23

    Бишкектеги өзгөчө абал андагы каралган шарттар боюнча маалымат жыйыны башталды

  • 16:20

    Жымжырттык өкүм сүргөн Бишкектин асмандан тартылган видеосу

  • 15:54

    Ооруга чалдыккандардын абалы кандай?

    “Реанимацияда жаткан бейтаптын абалы оор. Ал эми башкаларды алсак, балдардын жана чоӊ адамдардын абалы – канааттандырарлык", - деди Акматова.

    Эске салсак, вирус жуккандардын арасында ымыркай, 6 жаштагы бала 14 жаштагы өспүрүм бар. 

  • 15:52

    Бишкекте иштебей турган кыргыз түрк жаңы ооруканасы качан колдонулат?

    "Саламаттыкты Сактоо министрилиги коронавирус мындан ары тарап кетсе аталган оорукананы кыргызстандыктарды жаткыруу үчүн колдонуу боюнча Түркия тарапка  кайрылган. Учурда сүйлөшүү жүрүп жатат, бирок чечиле элек", - деди Акматова.

     

  • 15:49

    Коронавирустан коргонуу жолдору. Тизме

    Көчөдөн үйгө кайткандан кийин сактала турчу эрежелер:

    Бут кийимди кире бериште чечүү жана калтыруу;

    Кир колдор менен эч нерсени кармабоо;

    Сырткы кийимди кире бериште калтыруу;

    Эгерде сиз үй жаныбарыӊыз менен сейилдеп келсеӊиз, анын тамандарын да тазалаӊыз;

    Ачкыч жана капчыкты өзүнчө текчеге же кутуга коюӊуз;

    Душка түшүп же денеӊиздин ачык бөлүктөрүн жууӊуз;

    Уюлдук телефонуӊузду жана көз айнегиӊизди курамында спирт бар каражат менен тазалап сүртүӊүз;

    Кол каптар менен бет каптарды кескилеп, капкагы менен жабыла турган кутуга ыргытыӊыз.

  • 15:47

    Бир ооруну (коронавирусту жуктурган) дарылоо канча турат?

    “Коронавируска жугузган кишини дарылоого канча акча кетери адамдын ден-соолугунан көз каранды. Анткени мурда өнөкөт оорусу болсо, ага кошумча дары-дармек берүү керек. Азыр так бир сумманы айтуу кыйын”, — деди Акматова.

  • 15:45

    Бүгүн Жалал-Абадга ыктыярдуу дарыгерлер тобу учуп кетти

    “Бишкекте Жалал-Абадга атайын бригада учуп кетти. Ал ыктыярдуу дарыгерлер, эпидемиологдордон турат. Бул Жалал-Абадда иштеп жаткан медиктерди алмаштыруу, дарылоонун жыйынтыгы жакшы болуш үчүн жасалууда”, - деди Акматова.

  • 15:42

    Калк канчалык ыкчам кыймылдап, бири-бири менен тыгыз байланышта болсо COVID-19 ошончо тез жайылат

    “Калк канчалык ыкчам кыймылдап, бири -бири менен тыгыз байланышта болсо, коронавирус ошончо тез жайылат. Биздин илимий изилдөө институту божомол берет. Эпидемияга каршы иш-чараларды толук жүргүзүп, карантинди сактап, облустардагы эпидемияга каршы иш-чараларды так аткарсак, жыйынтык жакшы болот деген божомол берди. Көбөйүп кетсечи деген суроо да көңүлдө турат. Андагы кошумча обсервация каралат”, - деди Акматова.

  • 15:34

    “Ар ким өзү каалаган кездемелерден беткаптарды тигип жатат. Бирок алардын бардыгы эле вирустан коргойт деп саламаттыкты сактоо министрлиги кепилдик бере албайт“, — деди Акматова.

  • 15:28

    Казакстанда 79, Өзбекстанда 55 адам коронавирус менен катталды.

  • 15:26

    Дүйнө боюнча 75 498 адам коронавирус жуктуруп

    Азыркы маалымат боюнча дүйнө боюнча 375 498 адам коронавирус жуктуруп катталса, алардын 16 362 миңи каза тапты. COVID-19 учурда 195 мамлекетти каптады. Бул маалыматты Саламатыкты сактоо боюнча дүйнөлүк уюм берген. 

     

  • 15:23

    Акматова элге сактануу боюнча эрежелерди дагы бир ирет кайталады

    “Мобилдик телефон менен көз айнекти дезинфекция кылгыла. Эшиктен кийип келген күрмө, бут кийимди эшиктин алдына калтыргыла. Кийип жүргөн желим кол каптарды жөн эле таштап салбай, кесип салуу керек”, - деди ал.

  • 15:19

    "Биринчиси Испаниядан учуп келген адамды аэропортто тосуп алган адам. Экинчиси — Дубайдан учуп келген адам”, — деди Акматова.

    Алардын 1985-жылкы жана 1960-жылкы эркек кишилер экени айтылды.  

  • 15:16

    Акматова: Кыргызстанда коронавирус жуктуруп алгандарды саны 44кө жетти

  • 15:10

    Бул сапар журналисттерге маалыматты Саламаттык сактоо министрлигине караштуу Коомдук саламаттыкты сактоо башкармалыгынын башчысы Айнура Акматова айтып берет.

  • 14:59

    Саламаттыкты сактоо министрлигинин өкүлүнүн катышуусунда коронавирусу боюнча маалымат жыйын башталды

  • 14:10

    Бишкекте эми троллейбус менен автобустар дагы токтоду

    Бишкек шаарына өзгөчө абал режими киргизилгендиктен коомдук транспорт, анын ичинде троллейбус, автобустар да ишин токтотту. Бул тууралуу Республикалык штаб кабарлады.

     

    Вид на одну из улиц Бишкека после введения чрезвычайной ситуации из-за коронавируса
    © Sputnik / Табылды Кадырбеков
  • 13:54

    Ош: дарыгерлер үчүн автоунаа уюштурулду

    Ош облусу боюнча жеке демилгечилерден  25-мартта 10 тонна хлорамин, 280 даана коргонуучу костюм, 5000 даана бет кап таратылды.

    Учурда дарыгерлердин райондордон кирип-чыгуусу үчүн жетекчиликтин сунуштамасы менен уруксат кагаздары берилди.

    Ар бир аймактык оорукана жана Ош облустук ооруканада дарыгерлер, медкызматкерлер үчүн атайын автоунаалар уюштурулууда.

    Маалыматты Республикалык штаб таратты. 

  • 13:50

     25-мартта Өзгөчө кырдаалдар министрлигинин кызматкерлери Талас облусунун Кара-Буура, Манас жана Бакай-Ата райондорунун аймагында дезинфекциялоо иштерин жүргүзүп жатат. Аталган иш-чаралар өлкөнүн башка аймактарында да жасалууда. 

  • 13:40

    Өзгөчө абал учурунда банкка барууга болобу? Штабдын маалыматы

    Банктардын ӨА учурунда иштөө режими тууралуу билип алыш керек. Мындан тышкары, жаран жанына алып жүрүүгө милдеттүү болгон маршруттук баракчанын үлгүсүн көрсөтүшү керек.

     

    Президент КР Сооронбай Жээнбеков посетил готовящийся к открытию Центр предоставления государственных услуг Министерства внутренних дел, работающий по принципу Единого окна

    Өзгөчө абал учурунда банкка барууга болобу? Штабдын маалыматы

    Өлкөдө коронавирустун жайылып кетпешине бөгөт коюу максатында Бишкек, Ош жана Жалал-Абад шаарларына, ошондой эле үч районго өзгөчө абал режими киргизилди. Бул учурда эч ким олуттуу себепсиз сыртка чыга албайт.
    Дагы
  • 13:39

    Маршруттук баракчаны саат канчадан баштап жаныңда алып жүрүү керек? Түшүндүрмө

    Большой этнографический диктант в России

    Маршруттук баракчаны саат канчадан баштап жаныңда алып жүрүү керек? Түшүндүрмө

    Азык-түлүк дүкөнүнө же дарыканага бара турчу адамдын жанында маршруттук баракчадан тышкары өздүгүн тастыктаган документи болушу шарт.
    Дагы
  • 12:12

    Иранда калган кыргызстандык айдоочулар казак чек арасынан өтүп жатат

    Казакстан транзит менен Азербайжан, Россия жана өзүнүн аймагынан Ирандан Кыргызстанга багыт алган кыргызстандык жүк ташуучу автоунаалардын  II колонасын өткөрүүнү баштады.

    Учурда “Котяевка-Курмангазы" казак-россия чек арасындагы көзөмөл-өткөрүү пункту аркылуу Казакстандын аймагына экинчи колоннанын 19 автоунаасы киргизилди.

    Алар мындан ары Казакстандын кайгуул полициясынын коштоосунда Кыргызстанга багыт алат.

     Кыргызстандын Казакстандагы элчилиги бул транзиттик коридор Ирандан келаткан кыргызстандык жүк ташуучу автоунаалары үчүн казак тарабы менен уюштурулганын жана бир жолку акция болгондугун эскертет.

  • 12:03

    Путин коргоочу костюм менен оорукана кыдырыптыр. ВИДЕО

  • 11:57

     Жашоо үчүн маанилүү дары каражаттарын өлкөгө убактылуу мамлекеттик каттоосуз ташууга уруксат берилди.

     

    КРде бет каптарды атайын уруксаты жок сатууга убактылуу жол берилмей болду

    Бул чечим Кыргызстандын аймагында коронавирус инфекциясынын мындан ары жайылуусуна жол бербөө боюнча ыкчам чараларды көрүү, калкты дары каражаттары жана медициналык буюмдар менен камсыздоо максатында кабыл алынды.
    Дагы
  • 11:45

    Нарын: жаштар, балдар чакырык таштаган видео

    Facebook социалдык тармагындагы Нарын шаардык мэриясынын баракчасына өлкөдөгү эпидемиологиялык абал боюнча, тагыраагы коронавирус кооптуулугунан улам элди эреже сактоого чакырган ролик жайгаштырылган. 

  • 11:40

    Өзгөчө абал учурунда өзүн алып жүрүү эрежелери. Инфографика

    Өзгөчө абал учурунда өзүн алып жүрүү эрежелери. Инфографика

    Эртең Бишкек, Ош жана Жалал-Абадга өзгөчө абал режими киргизилет. Sputnik бул шаарлардын тургундары кайсы эрежелерди сакташы керектигин билип көрдү.
    Дагы
  • 10:41

    Талас облусунда абал кандай?

    Талас облусу боюнча ар бир айылга санитардык-карантиндик посттор коюлуп, адамдардын жана автоунаалардын каттамы дыкат көзөмөлгө алынууда. Өзгөчө муктаждык болбогон жагдайда, жашаган жеринен эч ким, эч жакка чыкпоого тийиш.

     Талас облусунун кире бериши Талдыбулак айылында 21-марттан баштап карантиндик-санитардык пост иштеп жатат. 24-марттан баштап Талас шаарына жана Талас, Бакай-Ата, Кара-Буура, Манас райондорунун бири-бири менен чектешкен аймактарына атайын посттор коюлду.

    Санитардык посттордон өтүүгө, өтө зарыл жана жүйөөлүү себеп менен каттаган жарандарга гана уруксат берилет.

  • 10:30

    Өзгөчө абал. Маршруттук баракча деген эмне жана аны кантип толтуруу керек?

    Маршруттук баракча — бул жаран өз колу менен толтурган анкета.

    Анда төмөнкү маалыматтар жазылышы шарт:

    аты-жөнү;
    телефон номери;
    үйдөн чыккан себеби;
    канча убакытта үйүнө барары;
    жашаган жери;
    бара турган жеринин дареги.


     

    Эгер көчөгө ушул үч нерсе үчүн чыга турган болсо, жарандын жанында өздүгүн тастыктаган документ жана маршруттук баракча болушу керек.

     

  • 10:18

    Ысык-Көл милициясы элдин арызын телефон, электрондук почта менен ала баштады. Тизме

    Ысык-Көл облусунда Ички иштер башкармалыгы менен аймактык ички иштер бөлүмдөрү жарандарды тикелей эмес, суроолорун, арыздарын телефон жана электрондук түрдө кабыл ала баштады.

    Бул кадамдар коронавирус инфекциясынын жайылып кетүү кооптуулугунун алдын алуу жана эл арасында санитардык - эпидемиологиялык эрежелерди сактоо иретинде жасалып жатканы айтылды.

     

     Ишеним телефондору:

     

    Ысык-Көл облустук Ички иштер башкармалыгы – (03922) 5-24-14;

    Балыкчы шаардык милициясы  – (03944) 3-27-05;

    Жети-Өгүз райондук милициясы  – (03946) 5-14-95;

    Түп райондук милициясы  – (03945) 2-44-12;

    Ак-Суу райондук милициясы  – (03948) 9-13-52;

    Тоң райондук милициясы – (03947) 9-13-42;

    Каракол шаардык милициясы – (03922) 5-13-80;

    Ысык-Көл райондук милициясы – (03943) 2-23-45.

     

     

     

    Электрондук почталар:

     

    Ысык-Көл облусунда Ички иштер башкармалыгы – dejurkaik@mail.ru;

    Балыкчы шаардык милициясы  – dejurkabu@mail.ru;

    Жети-Өгүз райондук милициясы  – dejurkagz@mail.ru;

    Түп райондук милициясы  – dejurkatyp@mail.ru;

    Түп райондук милициясы  – dejurkaaksy@mail.ru;

    Түп райондук милициясы  – dejurkaton@mail.ru;

    Түп райондук милициясы  – dejurkakl@mail.ru;

    Ысык-Көл райондук милициясы – dejurkacha@mail.ru.

     

     

  • 09:51

    Коронавирус жайылып жатканда кош кабат болуу туурасында эксперт айтып берген

    Девушка держит снимок УЗИ

    Коронавирус жайылган учурда бойго бүтүрүү кооптуубу? Окумуштуунун кеңеши

    Эксперт коронавирустун түйүлдүктүн түйүлүшүнө жана эркектин уруктугуна таасири болот деген маалыматтар бар экендигин эске салган.
    Дагы
  • 09:41

    Коронавирус жуктургандар кайсы аймактарда? Сандар

    Бүгүнкү күндө Кыргызстан боюнча коронавирусун жуктурган 42 учур аныкталган, алар: 

    Ош облусунда – 20 учур,
    Жалал-Абад облусунда – 19 учур,
    Бишкек шары  – 2 учур,

    Баткен облусунда – 1 учур.

  • 09:36

    2014 киши үй карантинине жиберилди

    "Лабораториялык изилдөөдө коронавирус  тастыкталбагандыктан кечээ обсервациядан 2014 жаранүй карантинине жиберилип, азыр 580 адам калды.

    Аларга үйүнө барганда кайсы талаптарды сактоо керектиги түшүндүрүлдү. Денеси ысып, абалы начарласа  үй-бүлөлүк дарыгерлерге же 118, 112 телефондоруна кайрылышы керек. Дарыгерлер келип, жардам көрсөтүп, аймактык ооруканага жаткырылат", - деди Акматова. 

  • 09:29

    “Илдет жуктуруп алгандар учурда Бишкектеги, Жалал-Абаддагы, Ала-Букадагы, Баткендеги, Ноокаттагы ооруканаларда жатат. Аларды абалы орточо оор деп бааланууда. Алардин бири – улгайган киши Жалал-Абаддагы биргелешкен оорукананын кайра жандандыруу бөлүмүндө”, - деди Акматова.

  • 09:22

    "Саламаттыкты сактоо министрлигине бөлүнгөн каражаттар боюнча тийиштүү маалыматты сайтка чыгара алабыз. акчанын жумшалышын тыкыр көзөмөлдөп жана текшерип жаткан органдар бар. Министрликке караштуу Коомдук байкоо кеӊеши да көзөмөлдөйт" , - деди Акматова.

  • 09:21

    “Учурда эле үй карантинин сактоо керек дегенди жакшылап түшүндүрүү керек болуп жатат. Бул маанилүү”, -  деди Акматова.

  • 09:20

    Акматова: Бүгүнкү күндө коронавирус жуктуруп алгандардан башка пациенттер дары-дармексиз калат деген кооптонуу жок.

  • 09:18

    Өзгөчө абал жарыяланган аймактагы медициналык кызматкерлерди үйүнөн ишке, иштен үйүнө жеткирүү боюнча атайын транспорт бөлүү туурасында маселе каралып жатканын айтты. Анын негизинде медиктердин атайын тизмеси түзүлөт.

    Бишкек мэриясы эпидемияга каршы иш-чараларды жүргүзүп жаткан кызматкерлерге  19 транспорт бөлүп берүү туурасында аракет болуп жатканын айткан. 

  • 09:16

    Учурда Кыргызстанда коронавирус жуктургандардын саны — 42

    “Бүгүн эртең мененки маалыматтарга караганда, жаңы жуктуруп алуулар жок. Учурда Кыргызстанда кононавирус жуктургандардын саны — 42. Баардыгы ооруканада, абалдары орточо оор, бири дагы деле жандандыруу бөлүмүндө”, — деди  Айнура Акматова.

  • 09:16

    Соңку маалыматты  Саламаттык сактоо министрлигине караштуу Коомдук саламаттык сактоо башкармалыгынын башчысы Айнура Акматова берип жатат.

live
Кыргызстандагы коронавирус жана өзгөчө абал боюнча тексттик баян. Сүрөт, видео
+
Тема:
Коронавируска байланыштуу Кыргызстандагы кырдаал (771)

Тема боюнча

Талапты аткарбагандар жоопко тартылат! Оштун коменданты видеокайрылуу жасады
Боронов: жарандар күндүз үч себеп менен эле көчөгө чыга алат
Эртеңден тарта Бишкекте такси кызматынын иштешине тыюу салынат

ЭҢ МААНИЛҮҮ