10:02 26 Бугу 2020
Түз эфир
  • USD73.6468
  • EUR80.2603
  • RUB1.0246
Коом
Кыскача шилтеме алуу
Коронавируска байланыштуу Кыргызстандагы кырдаал (1413)
623 0 0

Бишкек, Ош жана Жалал-Абад шаарларына, ошондой эле үч районго өзгөчө абал режими киргизилди. Анын алкагындагы саат 20.00дөн тарта 7.00гө чейин созулган коменданттык саатта бир дагы кишинин көчөгө чыгууга акысы жок.

БИШКЕК, 25-мар. — Sputnik. Коменданттык саат башталганда жаран үйүнө кирүүгө жетишпей, көчөдө калса эмне болорун брифинг учурунда ички иштер министринин орун басары, Бишкек шаарынын коменданты Алмаз Орозалиев түшүндүрүп берди.

Эске салсак, өлкөдө коронавирустун жайылып кетишине бөгөт коюу максатында Бишкек, Ош жана Жалал-Абад шаарларына, ошондой эле үч районго өзгөчө абал режими киргизилди. Анын алкагындагы саат 20.00дөн тарта 7.00гө чейин созулган коменданттык саатта бир дагы кишинин көчөгө чыгууга акысы жок.

"Кечки саат сегизге чейин үйүнө жетпей калган учурда адам укук коргоо органдарынын өкүлдөрүнө абалын түшүндүрүшү зарыл. Эгер ал соо, акыл-эсинде, чын эле олуттуу себеби болсо, кызматкерлер түшүнүү менен кабыл алат. Бирок бул 5-10 мүнөт гана кечиккен учурда. Бардык жарандарды коменданттык сааттын шарттарын сактоого чакырабыз. Эгер мыйзам бузуулар болсо, жоопкерчиликке тартууга аргасыз болобуз", — деди Орозалиев.

Коронавирус Кыргызстанда

Учурда Кыргызстанда коронавирус жуктуруп алган адамдардын саны 44кө жетти. Алардын арасында бир жашка чейинки бир ымыркай, 6 жаштагы бир жеткинчек жана 14 жаштагы өспүрүм бар. Ал эми Сузактын 71 жаштагы тургуну жандандыруу бөлүмүндө жатат.

25-мартта обсервацияда жаткан 2014 адамдын 1429у мөөнөтүнөн мурда үй карантинине чыгарылды.

Бишкек, Ош, Жалал-Абад шаарлары жана Ноокат, Кара-Суу райондоруна 15-апрелге чейин өзгөчө абал киргизилген.

Ушу тапта өлкө аймагындагы кырдаал тууралуу Sputnik Кыргызстандын тексттик баяндамасынан кабардар болуп туруңуз.

Тема:
Коронавируска байланыштуу Кыргызстандагы кырдаал (1413)

Тема боюнча

Бишкекте каттоосу жок жарандар бир шарт менен көчөгө чыга алат
ӨА учурунда тамак жеткирүү кызматынын иштөөсүнө уруксат берилет. Шарты
Белгилер:
жаран, эреже, коменданттык саат, Кыргызстан

ЭҢ МААНИЛҮҮ