09:29 10 Чын Куран 2020
Түз эфир
  • USD77.8000
  • EUR84.5647
  • RUB1.0428
Коом
Кыскача шилтеме алуу
Атамбаевдин Кой-Таштагы үйүндөгү атайын операция (176)
73510

Мурунку президент Алмазбек Атамбаев былтыр 7-8-августтагы Кой-Таш окуяларынан соң камакка алынган. Ал УКМКнын тергөө абагына киргизилип, бир катар тарапташтары суракка чакырылган.

БИШКЕК, 25-фев. — Sputnik. Бүгүн, 25-февралда, прокуратура тарабынан расмий түрдө Кой-Таш окуясы боюнча кылмыш ишинин фигуранттарына айып тагуу актылары тапшырылды. Бул туурасында мурдагы президенттин кеңешчиси Кундуз Жолдубаева Faсebook баракчасы аркылуу билдирди.

Ал белгилегендей, бул Кой-Таш окуясына байланыштуу бийликтин акыркы расмий версиясы.

Жолдубаева айыпталуучуларды тизмектеп берген. Арасында өзү дагы бар.

  • Алмазбек Атамбаев;
  • Фарид Ниязов;
  • Равшан Жээнбеков (Жогорку Кеңештин мурдагы депутаты);
  • Ирина Карамушкина;
  • Асель Кодуранова;
  • Кундуз Жолдубаева;
  • Канат Сагымбаев;
  • Мээрбек Мискенбаев;
  • Фархат Баабиев;
  • Канат Осмоналиев;
  • Рыспек Карыпбек уулу;
  • Марат Шаменов;
  • Нооруз Капарбек уулу;
  • Амангелди Какебаев.

Жолдубаева тергөө менен кызматташкандар өзүнчө өндүрүшкө бөлүнгөнүн кошумчалады.

Башкы прокуратуранын маалымат кызматы азырынча бул маалыматты тастыктап же четке каккан жок. Бирок кийинчерээк комментарий берүүнү убадалашты.

Кой-Таш окуясы

Белгилей кетсек, Алмазбек Атамбаев 2019-жылы 7-8-августтагы Кой-Таш окуяларынан соң камакка алынган. Учурда Атамбаев сегиз эпизод менен шектелип, УКМКнын тергөө абагында. Бул окуядан бир киши каза таап, 175 адам дарыгерлерге кайрылганы белгилүү болгон.

Тема:
Атамбаевдин Кой-Таштагы үйүндөгү атайын операция (176)

Тема боюнча

ИИМ Кой-Таш окуясы боюнча иликтөөсүн аяктады
Атамбаевдин тарапташтарынын мүлкү камакка алынды
Белгилер:
күнөө, айып, прокуратура, Кундуз Жолдубаева, Алмазбек Атамбаев, Кой-Таш, Кыргызстан

ЭҢ МААНИЛҮҮ