Бүгүн, 6-сентябрда негизги шектүүлөр Бапышов Жаныбек Сейитбекович менен Сейитбеков Калысбек Сейитбекович милицияга өздөрү келген болчу.
Жазылуу
Бишкек шаардык милициясынын жетекчиси Канат Жумагазиев Бишкекте аёосуз сабагандар кантип кармалганы тууралуу маалымат берүүдө.
Мазмуну
12:32 06.09.2019
12:25 06.09.2019
12:31 06.09.2019
Бишкек ШИИБдин тергөө кызматынын жетекчиси Нурлан Утемисов алдын ала маалымат боюнча чыр кер-мур айтыштан чыкканын айтты. Ал ошондой эле эки жабырлануучу көрсөтмө бере албай турганын, бир жабырлануучу көрсөтмө бергенин кошумчалады.
Утемисов шектүүлөр азырынча көрсөтмө бере электигин айтып, кишилерди сабады деген Бапышев Жаныбек Сеитбекович менен Сеитбеков Калысбек Сеитбекович бир туугандар экенин ырастады.
12:18 06.09.2019
Бишкек шаардык милициясынын жетекчиси Канат Жумагазиев Бишкекте кишилерди аёосуз сабагандардын жазасы эч жеңилдетилбей турганын айтты.
"Күнөөсү жеңилдетилбейт, коюлган берене боюнча иш тергелип гана сотко кетет. Алардын жазасы жеңилдетилет деп кооптонууга негиз жок", - деди ал.
12:12 06.09.2019
Маалымат жыйынды бул жактан түз эфирден көрүңүз.
12:06 06.09.2019
Милиция саат 12:00дө толук маалымат берерин айткан.
© Sputnik / Эркин Садыков
12:04 06.09.2019
Эске салсак, 28-августта болжол менен саат 7:00дөр чамасында Бишкек ШИИБге Жал кичи районундагы супермаркеттин жанында кишилердин мушташып жатканы кабарланган. Жерине Милициянын кайгуул-күзөт кызматынын төртүнчү ротасынын кызматкерлери барган. Мындан сырткары, Чүй ОИИББдин кызматкери Казыбек Бапышев дагы келип, эки шектүүнү алып кеткен. Жабырлануучулар болсо ооруканага жеткирилген.
Адамдарды сабоо фактысы боюнча Бапышев Жаныбек Сеитбекович менен Сеитбеков Калысбек Сеитбекович изделип жаткан болчу.
Ал эми шектүүлөрдүн бир тууганы делген милициянын майору Казыбек Бапышев иштен алынып, бир нече милиция кызматкерине кылмыш иши козголгон. Мындан сырткары, милициянын эки кызматкери иштен алынып, дагы экөө катуу сөгүш алган.
Кийинчерээк шектүүлөр Кыргызстандан чыгып кетүүгө аракет кылганы аныкталган.
