17:07 22 Аяк оона 2019
Түз эфир
  • USD69.8317
  • EUR77.1501
  • RUB1.0937
Мобилдик үй. Архивдик сүрөт

Нарында контейнерде окуган балдар. Өкмөттүн өкүлчүлүгү үн катты

пресс-служба МЧС КР
Коом
Кыскача шилтеме алуу
53010

Кеңеш айылына контейнерден жасалган алты мобилдик үй жеткирилип, анын ачылышы өткөн.

БИШКЕК, 4-сен. — Sputnik. Нарындагы мобилдик мектепте окуй баштаган окуучулар суук түшкөндө башка жерге которулат. Бул тууралуу өкмөттүн Нарын облусундагы ыйгарым укуктуу өкүлүнүн орун басары Жаркын Ибраева билдирди.

Эске салсак, жаңы окуу жылында Кеңеш айылына контейнерден жасалган алты мобилдик үй жеткирилип, анын ачылышы өткөн. Аземге Нарын районунун акими Семетей Черикбаев, Нарын облустук билим берүү башкармалыгынын жетекчиси Касымбек Мамытов баштаган аткаминерлер катышкан.

Көп өтпөй социалдык тармакка мобилдик үйдүн астында отурган беш аткаминердин сүрөтү жарыяланып, кызуу талкуу жаралган

"Убактылуу мобилдик үйдө билим алып жаткан балдар үчүн жаңы мектеп курулат. Мурдагы мектептин имаратынын эскилиги жеткендиктен, балдар менен мугалимдердин өмүрүнө коркунуч жаратпоо, окуу процессин үзгүлтүккө учуратпоо максатында мобилдик үйлөр коюлган. Суук түшкөндө балдар кыш мезгилинде окутууга кыйла ылайыктуу башка жерге которулат. Кеңеш айылында жаңы мектеп жакынкы мезгилде курулат", — деди Ибраева.

Ал белгилегендей, Өзгөчө кырдаалдар министрлиги буга чейин Кеңеш айылындагы 160 бала окуган мектептин имаратынын эскилиги жеткен деген тыянак чыгарган.

Ал эми жергиликтүү аткаминерлердин сынга алынышы боюнча Нарын районунун акими Семетей Черикбаев убактылуу мектептин ачылыш салтанатына түзүлгөн кырдаалды түшүндүрүү максатында барганы айтылды.

Тема боюнча

Ачканы контейнер мектеп. Нарында аткаминерлер сынга кабылды
Белгилер:
түшүндүрмө, мектеп, Нарын

ЭҢ МААНИЛҮҮ