12:26 20 Баш оона 2019
Түз эфир
  • USD69.7839
  • EUR77.4776
  • RUB1.0477
Операция кылуу. Архивдик сүрөт

Комада жаткан Самат Курманкуловго Москвадан дарыгерлер чакыртылды

© Sputnik / Константин Чалабов
Коом
Кыскача шилтеме алуу
Атамбаевдин Кой-Таштагы үйүндөгү атайын операция (140)
344 0 0

Курманкуловго эки ирет операция жасалган, азырынча эсине келе элек.

БИШКЕК, 10-авг. — Sputnik. Кой-Таштагы окуядан жабыркап ооруканада жаткан Чүй облустук милициянын башчысы Самат Курманкуловго Москвадан дарыгерлер чакыртылды. Бул тууралуу Саламаттыкты сактоо министрлигинин маалымат кызматынан кабарлашты.

Эске сала кетсек, Курманкулов 7-августта мурдагы президент Алмазбек Атамбаевди кармоо учурунда башына таш тийип, баш сөөгү жабыркап, мээси чайкалган. Ага Бишкектеги Травматология жана ортопедия илим изилдөө борборунда эки ирет операция жасалган.

Билдирмеге ылайык, бүгүн Бишкектеги Травматология жана ортопедия илим изилдөө борборунда бир канча дарыгерлер консилиум өткөрүшкөн. Ага саламаттык сактоо министри Космосбек Чолпонбаев, орун басары Мадамин Каратаев, дарыгерлер Буранбек Жамгырчиев, Сабырбек Жумабеков, Нурлан Оморов, Гүлжан Жүзүмалиева, Советбек Сатиев жана Айна Молдоташева катышкан. Ошондой эле президенттик аппараттын башчысы Досалы Эсеналиев жана вице-премьер-министр Алтынай Өмүрбекова да келди.

Чогулуштун жүрүшүндө Москвадагы Бурденко атындагы нейрохирургиялык борбордун профессору Александр Потапов менен онлайн-консилиум өттү. Россиялык адис Самат Курманкуловдун дарылануусу туура жүргүзүлүп жаткандыгын белгилеген.

Натыйжада Чүй милициясынын башчысын аталган борбордун нейрохирургдары жана реаниматологдору Бишкекке келип, кыргызстандык дарыгерлер менен чогуу дарыламай болушту.

Белгилей кетсек, 7-8-август күндөрү күч түзүмдөрү Алмазбек Атамбаевди Кой-Таш айылындагы үйүнөн алып кетүү үчүн атайын операция жүргүзгөн. Мурунку президенттин тарапташтары катуу каршылык көрсөтүп, ок атылган. Мунун кесепетинен спецназдын бир жоокери каза таап, 136 киши ар кандай жаракат алган.

Натыйжада Атамбаев жана анын жакын адамдары кармалды. Мындан сырткары, спецназ аскерлерин барымтага алган жана Бишкек шаарында массалык башаламандык уюштурууга шектелгендер колго түшүрүлүп, айрымдары күбө катары суракка чакырылууда.

Тема:
Атамбаевдин Кой-Таштагы үйүндөгү атайын операция (140)

Тема боюнча

Атамбаевдин Кой-Таштагы үйү талап-тонолдубу? Милиция маалымат таратты
Кой-Таштагы жаалданган элдин ичинен уулун таппай... Жүрөк тилген видеорепортаж
Кой-Ташта жабыркаган аскерлерге акча чогултулуп жатабы? УКМКнын жообу
Белгилер:
дарыгер, Самат Курманкулов, Чүй ОИИББ, Чүй облусу, Москва

ЭҢ МААНИЛҮҮ