10:20 21 Жалган Куран 2019
Түз эфир
  • USD69.7563
  • EUR79.1281
  • RUB1.0852
Мектептеги окуучулар. Архив

Парламентте мигранттардын балдары үчүн жатак мектебин ачуу сунушталды

© Sputnik / Табылды Кадырбеков
Коом
Кыскача шилтеме алуу
8610

Эл өкүлү тийиштүү министрликтер мигранттардын балдарына өзгөчө көңүл бөлүп, окуу программаларын да ыраатташтыруусу керектигин айтты.

БИШКЕК, 28-фев. — Sputnik. Жогорку Кеңештин депутаты Сагындык Келдибаев мигранттарды акча которгондо гана эстебей, аларды тооруп жүргөн көйгөйлөрдү чечүү жолун да караштыруу керектигин белгиледи.

Депутаттар бүгүнкү жыйында ар кандай маселелерди да карашууда.

Эл өкүлү эмгек мигранттары 2018-жылы 2,5 миллиард доллар которгонун айтып, бул Кыргызстандын ички дүң продукциясынын 35 пайызын түзөрүн кошумчалады.

"Мигранттарды акча которгондо эле эстебей, алардын артынан ээрчиген көптөгөн көйгөйлөрдү да чечишибиз керек. Чет жакка кетип жаткандар балдарын чоң ата, чоң апасына, таята-танесине же жакындарына таштап кетүүгө аргасыз болуп жатат. Аларды окутууда жана тарбиялоодо астейдил мамиле, психологиялык жактан колдоо талап кылынат. Социалдык өнүктүрүү министрлигинин кызматкерлери да тартылышы керек. Ал эми Билим берүү министрлиги туура тарбиялоого көңүл бурушу керек. Же мигранттардын балдарына жатак мектебин ачуу зарыл", — деди ал.

Келдибаев ошондой эле Миграция кызматы бир үй-бүлөдөгү бир гана кишини сыртка чыгаруу, же балдарын алар барган шаарда мектепке киргизүү жагын да карап чыгышы керектигин кошумчалады.

Эл өкүлү өз сөзүндө учурда Кыргызстанда мектепке барбаган балдардын саны 12 миңге жеткенине токтолуп, алардын келечегине, бул боюнча жасалып жаткан иштерге кызыгып тийиштүү министрликке кайрылды.

Тема боюнча

Кыргызстандык кондуктор англисче сүйлөп россиялык аялды таң калтырды. Видео
Белгилер:
билим берүү, мектеп, балдар, миграция, Жогорку Кеңеш

ЭҢ МААНИЛҮҮ