01:33 19 Жетинин айы 2018
Түз эфир
  • USD69.8400
  • EUR79.2474
  • RUB1.0583
Жол кырсыгынан соң жанжалдан каза тапка Кыргызаэронавигация мамлекеттик ишканасынын директорунун орун басары Маматназар Жакыпбаев. Архив

Уруштан кийин каза тапкан аткаминер. Шектүүнүн жубайы күбөлөрдү издеп жатат

© Фото / пресс-служба ГП "Кыргызаэронавигация"
Коом
Кыскача шилтеме алуу
425 0 0

"Кыргызаэронавигация" мамлекеттик ишканасынын директорунун орун басары 21-октябрь күнү жол кырсыкка кабылып, мас адамдар менен болгон уруштан кийин каза болгону айтылган.

БИШКЕК, 5-ноя. — Sputnik. Бишкекте Токтоналиев менен Түштүк магистраль көчөлөрүнүн кесилишинде эртеден кечке плакат көтөргөн аял турат. Ал дал ушул жерде 21-октрябрь күнү болгон жол кырсыкка күбө болгон адамдарды издеп жатканын жазып алган. Бул тууралуу Facebook тармагынын колдонуучусу баракчасына жазып чыкты. 

Плакатта телефон номер көрсөтүлгөн, ал аркылуу күбөлөр байланышка чыга алат.

Так ушул жолдун кесилишинде "Кыргызаэронавигация" мамлекеттик ишканасынын директорунун орун басары Маматназар Жакыпбаев каза тапкан. Алгач аткаминер унаасы менен бара жатып Lexus үлгүсүндөгү унааны кагып алганы айтылган. Аткаминер менен аны сүзгөн унаадагы мас жигиттердин ортосунда чыккан чырдан Жакыпбаев жыгылып башы менен бордюрга тийген да, анын кесепетинен каза тапкан. Кийин эки адам тең колго түшүрүлгөн.

Маркумдун уулу окуя боюнча өз версиясын айтып берген. Ал билдиргендей, атасы эч кандай унааны сүзгөн эмес. Тескерисинче, Lexus үлгүсүндөгү унаа ата-энеси жол чыракта токтоп турганда артынан келип сүзгөн. Бул боюнча экинчи тараптын туугандары дагы билдирүү жасашты. Алардын айтымында, аткаминер менен ортодо пикир келишпестик чыккан эмес, Жакыпбаев ошол жерден өзү жыгылып калган.

Sputnik Кыргызстан агенттигинин кабарчысы жол кырсыгы болгон жерде плакат көтөрүп турган аял менен байланышты. Ал шектүүлөрдүн биринин жубайы Зейнеп Сулайманкулова аттуу айым болуп чыкты. Ал ошол күнү жүргүнчүлөр отурган орундукта болгон.

"Айла жоктон плакат көтөрүп жолго чыктым. Балким ошол күнү болгон окуяны көргөн күбөлөр чыгып калаар. Биринчи жолу кечээ, 4-ноябрда жолдо турдум. Анан түштө, кечинде дагы чыктым. Себеби бул учурда унаалар көп өтөт", — деди Сулайманкулова.

Ал ошондой эле күбөлөр табылмайынча күн сайын жолго чыга турганын кошумчалады.

Тема боюнча

Уруштан кийин каза болгон аткаминер. Экинчи тарап үн катты
Уруштан кийин каза тапкан аткаминер. Жакындары окуянын чоо-жайы тууралуу
Белгилер:
күбө, жол кырсык, Бишкек
Колдонуу эрежелериПикирлер

ЭҢ МААНИЛҮҮ