05:18 23 Баш оона 2019
Түз эфир
  • USD69.7961
  • EUR77.4597
  • RUB1.0636
Айдоочу. Архивдик сүрөт

Уруштан кийин каза болгон аткаминер. Экинчи тарап үн катты

© Sputnik / Алексей Даничев
Окуялар
Кыскача шилтеме алуу
1423 0 0

Маматназар Жакыпбаев 21-октябрда каза болгон. Ушу тапта өлүмдүн себептери такталууда.

БИШКЕК, 24-окт. — Sputnik. "Кыргызаэронавигация" мамлекеттик ишканасынын директорунун орун басары Маматназар Жакыпбаевдин өлүмү боюнча кармалган адамдын бир тууган карындашы Элита Каниметова окуя тууралуу өзүнүн версиясын айтып берди.

Эскерте кетсек, каргаша 21-октябрда Түштүк магистраль менен Токтоналиев көчөсүнүн кесилишинде болгон. Аткаминерди унаасын артынан жолтандабас сүзгөн. Унаадан чыккан эки жигит менен Жакыпбаевдин ортосунда чыр чыгып, аткаминер жыгылып калган. Башы менен бордюрга тийип, ал ошол жерден көз жумган. Андан кийин эки киши кармалган

Маркумдун уулу каргашанын чоо-жайын айтып берген. Анын пикиринде, кармалгандар жаалданып турган.

Каниметова машиналар кагышкандан кийин агасы жана анын досу унаадан чыгып, ал эми Жакыпбаевдин жубайы машинанын ичинде калганын белгиледи.

"Жай баракат баарын чечишкенден кийин агам тил кат жазып берүү үчүн барак алып чыгат. Ошол маалда эркек киши (Жакыпбаев — ред.) жыгылып калган. Агам эңкейип, "Байке, баары жакшы элеби?" деп сураган. Андан кийин келинчеги унаадан чыккан… Балким ошол маалда агам анын күйөөсүн уруп жаткандай көрүнсө керек. Биз Жакыпбаевдердин үй-бүлөсүнө көңүл айтабыз, орду толгус жоготуу…", — деди Каниметова.

Анын айтымында, алгачкы соттук-медициналык экспертизанын жыйынтыгы чиновник жүрөк оорусунан улам каза тапканын көрсөтүүдө.

"Карапайым үй-бүлөдөнбүз, капчыктуу, таасирлүү туугандарыбыз жок. Баары акыйкат чечилсе деген эле ой. Агамдын эки кичинекей кызы бар, өзү аябай токтоо", — деди Каниметова.

Ал маркумдун баянын карап чыгууну сунуштады. Каниметованын маалыматы боюнча тергөөгө кысым көрсөтүлүп жатат, мындан улам алар коомчулуктан жардам суроого аргасыз.

Тема боюнча

Уруштан кийин каза тапкан аткаминер. Жакындары окуянын чоо-жайы тууралуу
Белгилер:
оору, кырсык, экспертиза, Маматназар Жакыпбаев

ЭҢ МААНИЛҮҮ