05:00 03 Чын Куран 2020
Түз эфир
  • USD84.8988
  • EUR92.7010
  • RUB1.0895
Коом
Кыскача шилтеме алуу
Аскарбек Шадиевге козголгон кылмыш иши (20)
279810

Жардамчысы Шадиевдин беш жылдан бери жүрөгү ооруп жүргөн деген маалыматты кошумчалады.

БИШКЕК, 2-май — Sputnik. Экс-вице-премьер Аскарбек Шадиев жүрөгүн операция жасатуу үчүн чет өлкөгө чыгып кетти. Бул тууралуу анын жардамчыларынын бири кабарлады.

Маалыматка караганда, ал мындан беш күн мурда өлкөдөн чыгып кеткен.

"27-апрелде Аскарбек Шадиев чет өлкөгө жүрөгүнө операция жасатуу үчүн чыгып кетти. Азыр клиникаларды караштырып жаткандыктан, кайсы мамлекетке токтой турганын так айта албайбыз", — деди ал.

Жардамчы Шадиевдин беш жылдан бери жүрөгү ооруп жүргөнүн жана бул боюнча дарыгерлердин атайын көзөмөлүндө турганын кошумчалады.

Ал эми УКМК бул маселе боюнча төмөнкүлөрдү билдирди:

"Бизде андай маалымат жок. Расмий түрдө Аскарбек Шадиев чек араны бузган эмес. Учурда УКМК буга чейин Башкы прокуратура козгогон кылмыш ишин тергөөнү улантып жатат", — дешти комитеттин маалымат кызматынан.

Эске салсак, Башкы прокуратура Шадиевдин туура эмес аракеттеринен улам мамлекетке 2 миллион 61 миң сом өлчөмүндө зыян келтирген деген кине менен кылмыш ишин козгогон.

"25-августта Шадиев жазуучу Айтматов атындагы сыйлык ыйгарылбай турганын билип туруп, ЖК төрагасына 30 миң доллар бөлүү зарылдыгы боюнча кайрылуу жолдогон. Анын негизинде суралган каражат комитеттин бөлүм башчысы Арсен Закировго берилген. Бирок акча ПААнын катчылыгына түшпөгөнү аныкталган. Ал эми Шадиев 18-сентябрда каражат айтылган дарекке жөнөтүлгөнү тууралуу маалымат берген", — деп айтылган прокуратуранын билдирүүсүндө.

Эскерте кетсек, Шадиев депутаттыгы менен бирге биринчи вице-премьерлик кызматты аркалап, өз арызынын негизинде 13-апрель күнү жумушунан бошотулган.

Тема:
Аскарбек Шадиевге козголгон кылмыш иши (20)

Тема боюнча

Аскарбек Шадиевге кылмыш иши козголду
Жээнбековдун Жарлыгы менен Аскарбек Шадиев кызматтан кетти
Шадиев Аскарбек Алимбаевич — өмүр баяны
Белгилер:
кылмыш иши, сыйлык, Башкы прокуратура, Аскарбек Шадиев

ЭҢ МААНИЛҮҮ