07:14 14 Жетинин айы 2019
Түз эфир
  • USD69.8500
  • EUR76.8979
  • RUB1.0880
Телефон кармап турган адам. Архив

Улуттук банк эки уюлдук оператордун мобилдик капчыктарына тыюу салды

© Sputnik / Владимир Песня
Коом
Кыскача шилтеме алуу
395 0 0

Буга чейин мобилдик капчыкка акчаны баланстагы бирдик же өнөктөш банк аркылуу салууга мүмкүн болчу. Эми биринчисине тыюу салынды

БИШКЕК, 16-фев. — Sputnik. Улуттук банк эки уюлдук оператордун мобилдик капчыктарына каражатты бирдик аркылуу жүктөөгө тыюу салды. Бул тууралуу Sputnik Кыргызстан агенттигине "Sky Mobile" ЖЧКсынан кабарлашты.

Өткөн жылы үч уюлдук оператор өздөрүнүн мобилдик капчыктарын ишке киргизген (О!Деньги, MegaPay, Balance.kg). Бирок Улуттук банк буга каршы чыккан. Себеби аталган капчыктардын механизмдери Кыргызстандын терроризм жана акчаларды адалдоого каршы күрөшүүсүнө тоскоолдук жаратаары айтылган. Мындан улам электрондук каражаттар жөнүндө коомдук талкуу жүргүзүлгөн.

Механизм төмөнкүчө болчу — операторлор электрондук капчыктарды банктар менен биргеликте түзүшкөн. Ошол капчыктарга банк же уюлдук аппараттагы бирдик менен каражат жүктөөгө мүмкүн болчу.

Бирок "Sky Mobile" ЖЧКсынан (Beeline соода маркасы) билдиришкендей, Улуттук банк компания менен өнөктөш банкка Balance.kg капчыгын абоненттин уюлдук аппаратындагы бирдик аркылуу толтурууга тыюу салуу боюнча буйругун жиберген.

"Мындай көрүнүш мобилдик капчыктарды өнүктүрүү жолундагы бөгөт болуп саналат. Эми бул капчыктарга каражатты бир гана банктан салууга болот. Улуттук банктын Balance.kg менен MegaPay капчыктарына тыюу салып, бирок О!Деньги капчыгына уруксат бергени таң калтырат", — деп "Sky Mobile" ЖЧКсынан билдиришти.

Мобилдик оператордун өкүлдөрү Улуттук банк пландаган жыйында жооп алууга үмүттөнүшкөнүн, бирок брифинг болбой калгандыктан расмий билдирүү жөнөтүшөрүн билдиришти. Учурда алар Улуттук банктан расмий маалымат күтүп жатышат.

Ал эми "Нур Телеком" ЖЧКсынын өкүлдөрү (О! оператору) Balance.kg менен MegaPay капчыктарынын ишине эч кандай коменттарий бере албастыгын билдиришти.

"О!Деньги" сервиси өзүнүн "Грин Телеком Сервис" аттуу өнөктөшү менен Кыргызстандын мыйзамдарына ылайык өзүнүн ишин улантып жатат", — деп "Нур Телекомдон" маалымдашты.

Ал эми Улуттук банк расмий маалымат бир аз убакыттан кийин берилерин айтты.

Тема боюнча

Кыргызстанда эки радио жыштык 431 миллион сомго сатылды
Депутаттар мектепте смартфон колдонууга тыюу салууну сунуштап жатышат
Белгилер:
бирдик, уюлдук компания, банк, Мобилдик капчык

ЭҢ МААНИЛҮҮ