10:24 18 Аяк оона 2019
Түз эфир
  • USD69.7942
  • EUR76.9027
  • RUB1.0885
Сот залы. Архив

Салянованын соту: судьялардын курамын өзгөртүү өтүнүчү колдоо тапкан жок

© Sputnik / Табылды Кадырбеков
Коом
Кыскача шилтеме алуу
Аида Саляновага өкүм чыкты (15)
6601

Буга чейин Бишкек шаарынын Ленин райондук соту Салянованы беш жыл эркинен ажыратуу өкүмүн чыгарган

БИШКЕК, 29-янв. — Sputnik. Айыпталып жаткан эл өкүлү Аида Салянованын жактоочусу Чынара Жакупбекова соттордун курамын өзгөртүү боюнча келтирген өтүнүчү канааттандырылган жок.

Белгилей кетсек, учурда Бишкек шаардык сотунда эл өкүлүнүн иши каралып жатат.

Жакупбекова судьялар ишти бир гана айыптоочу негизде карап жатканын билдирип, алардын адилеттүү чечим чыгарарына шеги бар экенин айтты.

Өз кезегинде Салянова дагы жактоочусунун өтүнүчүн колдоду. Ал ошондой эле тергөө учурунда анын күнөөсү бар экени тастыкталбаганын белгиледи.

Сот отурумунда Жакупбекова ишти сууктан улам кийинкиге жылдырууну да өтүнгөн, бирок колдоо тапкан эмес.

Эл өкүлү юстиция министринин милдетин аткарып турганда кызмат абалынан кыянаттык менен пайдаланып, Алексей Елисеевдин адвокаттык лицензиясын калыбына келтирип берген деп айыпталууда.

Белгилей кетсек, 2017-жылы 10-октябрда Ленин райондук соту Аида Салянованы мүлкүн камакка алуу менен беш жылга эркинен ажыратуу өкүмүн чыгарган. Бирок депутаттын 2015-жылы төрөлгөн баласы 14 жашка чыкканча чечимдин мөөнөтү жылдырылган.

Тема:
Аида Саляновага өкүм чыкты (15)

Тема боюнча

Сот Салянованын ишин кароону сууктан улам кийинкиге жылдыруу өтүнүчүн четке какты
Белгилер:
сот, Алексей Елисеев, Аида Салянова

ЭҢ МААНИЛҮҮ