19:52 11 Бештин айы 2019
Түз эфир
  • USD69.8500
  • EUR77.4252
  • RUB1.0989
Олимпиада чемпиону, оор атлетика боюнча дүйнөнүн төрт жолку чемпиону Каныбек Осмоналиевдин архивдик сүрөтү

Каныбек Осмоналиев 64 жашта! Америка ашык болгон чемпион тууралуу беш факты

© Sputnik / Дмитрий Донской
Коом
Кыскача шилтеме алуу
Кыргыздын көркөм өнөрү, белгилүү инсандары жөнүндө фактылар (324)
158960

Бүгүн Олимпиада чемпиону, оор атлетика боюнча дүйнөнүн төрт жолку чемпиону Каныбек Осмоналиевдин туулган күнү. Буга байланыштуу Sputnik Кыргызстан агенттиги өмүрүн спортко арнап, көптөгөн ийгиликтерди багындырган инсан тууралуу кызыктуу беш факты сунуштайт.

Атасыз өткөн балалык. Каныбек Осмоналиев 1953-жылы 19-ноябрда Чүй облусунун Кемин районундагы Бейшеке айылында жарык дүйнөгө келген. Бир жарым жашында атасы жол кырсыгынан каза таап, апасы беш бала менен калган. Анын балалыгы уй саап, камыр жууруп, талаада иштеп, айтор, мээнет менен өткөн.

Каныбек Осмоналиев
© Sputnik / Толмачёв
Студент кезинде салмагы 42 киллограм, бою 1 метр 48 сантиметр болгон жаш жигит 70 килограммдык штанганы ийинине коюп бир нече жолу көтөрүп машыктыруучу Семен Иткиндин көзүнө илинген

Табылга штангист. Болочоктогу чемпиондун мектепти аяктагандан соң шаарда окуйм деген максаты деле болгон эмес. Ошондо атасы менен бир тууган агасы апасы менен кеңешип Каныбекти шаарга билим алууга жиберет. Осмоналиев Кыргыз мамлекеттик университетине келип тарых факультетине тапшырган. Студент кезинде салмагы 42 киллограм, бою 1 метр 48 сантиметр болгон жаш жигит 70 килограммдык штанганы ийинине коюп бир нече жолу көтөрүп машыктыруучу Семен Иткиндин көзүнө илинип калат. Ошентип 17 жашынан баштап оор атлетика менен машыгып, 20 жашында Кыргызстандын чемпиону болгон.

Штангист Каныбек Осмоналиев
© Sputnik / Дмитрий Донской
17 жашынан баштап оор атлетика менен машыгып, 20 жашында Кыргызстандын чемпиону болгон

Америкалыктар суктанган чемпион. Осмоналиев 30 жашында чоң спорттон кеткен. Ал 13 жылда дүйнөнүн төрт, Европанын эки жолку чемпиону болуп, 1980-жылы Москвада өткөн Олимпиадада 52 киллограм салмактагылар арасында алтын тагынган. Андан сырткары, бир топ эл аралык мелдештерде жеңүүчү аталган. Дүйнөнү багындырган кезинде Америкага чакыртылып, бирок мекенин сүйгөн уул ага макул болгон эмес.

Кыргызсткий и советский тяжелоатлет, чемпион Олимпийских игр 1980 года Каныбек Осмоналиев с семьей
© Фото / из личного архива Каныбека Осмоналиева
Олимпиада чемпиону үй-бүлөсү менен

Талыкпаган устат. Спортсмен 1983-жылдан тарта азыркыга чейин машыктыруучулук менен алектенип, жаштарды тарбиялап тажрыйба бөлүшүп келет. Учурда ал борбор калаадагы спорттук мектептердин бирин жетектейт. Эң негизгиси ал 60тан өтүп калганына карабай эртең менен чуркап, көнүгүүлөрүн калтырбайт.

Неберелердин чоң ата-таятасы. "Даңк", "Манас" орденинин ээси Каныбек Осмоналиев жубайы Медеркан менен төрт уул, үч кызды тарбиялап өстүргөн. Алар учурда 20дай неберенин чоң ата-чоң энеси, таята-таяенеси болуп бактылуу өмүр сүрүүдө.

Кыргызсткий и советский тяжелоатлет, чемпион Олимпийских игр 1980 года Каныбек Осмоналиев во время интервью Sputnik Кыргызстан
© Sputnik / Данияр Сандыбаев
Каныбек Осмоналиев "Даңк", "Манас" ордендеринин ээси

Тема:
Кыргыздын көркөм өнөрү, белгилүү инсандары жөнүндө фактылар (324)

Тема боюнча

Илимди саясатка алмаштырып өкүттө калган Аскар Акаев тууралуу 9 факты
Ак сөөктөрдүн оюну менен таанылган Каныбек Сагынбаев тууралуу 5 факты
Каныбек Осмоналиев: небере кызымдын атын Олимпиада койгом
Белгилер:
оор атлетика, факты, чемпион, Каныбек Осмоналиев, Кыргызстан

ЭҢ МААНИЛҮҮ