Бишкекте көз жарган памирлик келин буга чейин 9ду төрөсө, үчөө эле жашап кеткен

© Пресс-служба правительства / Сабыр АильчиевРождение ребенки у этнической кыргызку из Памира Жанбубу Маматзайым кызы
Рождение ребенки у этнической кыргызку из Памира Жанбубу Маматзайым кызы - Sputnik Кыргызстан
Жазылуу
Памирден келген келин 21-октябрда көз жарган

БИШКЕК, 24-окт. — Sputnik. Памирлик келин Бишкектеги төрөт үйүндө онунчу баласын жарык дүйнөгө алып келди. Бул туурасында Эне жана баланы коргоо боюнча улуттук борбордун директору Камчыбек Узакбаев билдирди.

"38 жаштагы Жанбүбү Маматзайым кызы таңкы саат 6.25де көз жарды. Ал буга чейин 9 жолу төрөсө, анын үчөө эле тирүү экен. Тилекке каршы, калган 6 баласы ымыркай кезинде эле чарчап калганын билдик", — деди Узакбаев.

Бүгүн вице-премьер Чолпон Султанбекова эне жана баланын абалы менен таанышууга барган.

Переселение памирских кыргызов в Нарын - Sputnik Кыргызстан
Памирлик кыргыздар Куланак айылындагы кесиптик лицейге жайгаштырылды
"Учурда ымыркайдын абалы канааттандырарлык деп бааланууда. Ымыркай жети айлык болуп төрөлдү. Ошондуктан азырынча ал айына жетпей төрөлгөн балдардын бөлүмүндө дарыгерлердин көзөмөлүндө болууда. Алар Алмазбек Атамбаевдин президенттик маалында Памирден келип тарыхый мекенин көрүүгө мүмкүндүк алгандыктан, уулунун ысымын өлкө башчынын урматына коюну чечишкен", — деп айтышты өкмөттөн.

Жанбүбү Маматзайым кызы 21-октябрда Бишкектеги Эне жана баланы коргоо борборунун алдындагы төрөт үйүндө көз жарган. Төрөт үйүнөн чыккандан кийин Нарынга барат. Ал жакта анын билим алуу үчүн келген башка дагы балдары бар.

Белгилей кетсек, 13-октябрда Улуу жана Кичүү Памирден 33 адам Нарынга алып келинген. Алардын 16сы өспүрүм, экөө жеткинчек калгандары ата-энелер. Келгенден кийин Нарын облустук бириктирилген ооруканасында медициналык кароодон өтүшкөн. Андан соң 24-октябрда Куланак айылындагы №86 кесипттик лицейге жайгаштырылган.

Жаңылыктар түрмөгү
0