БИШКЕК, 23-окт. — Sputnik. Кыргызстанда ЯК-40 үлгүсүндөгү VIP салондуу учак сатыкка коюлат. Бул тууралуу "Манас" эл аралык аэропортунун маалымат кызматы жазып чыкты.
Учакты "Эйр Кей Жи" авиакомпаниясы сатыкка коюп жатат ("Манас" ААКнын туунду компаниясы).
Соодалашуу 27-ноябрда саат 13.00дө "Манас" аэропортунун 4-кабатындагы Авиациялык техникалык базасында өтөт. Арыздар 27-ноябрь күнү саат 10.00гө чейин кабыл алынат.
Учактын баштапкы баасы 7 миллион 653 миң сомду түзөт.
Учак тууралуу маалымат:
ВС – Як-40, борт номуру – ЕХ-00007, заводдон чыккандагы номери – 9530342.
Чыгарылган жылы — 28-июль, 1975-жыл.
Эксплуатацияга берилгенден бери 26 миң 865 саат учкан.
Акыркы жолу 2009-жылдын 28-августунда ремонт жасалган (5 ремонт).
Техникалык абалы канааттандырарлык. Учак "Манас эл аралык аэропортунун аймагында турат.
