15:21 20 Тогуздун айы 2021
Түз эфир
  • USD84.7935
  • EUR98.8523
  • RUB1.1948
Коом
Кыскача шилтеме алуу
Кыргызстандагы президенттик шайлоо - 2017 (257)
753341

"Республика" партиясынын Талас шаарындагы штабынын алдына 200дөн ашуун киши чогулду

БИШКЕК, 16-окт. — Sputnik. Өмүрбек Бабановдун жана анын шайлоо штабынын Таластагы митингге эч кандай тиешеси жок. Бул тууралуу Sputnik Кыргызстан агенттигине штабдан билдиришти.

Буга чейин ИИМ Таласта 200дөй киши чогулуп, "Республика" партиясынын штабынын алдына келгенин маалымдаган. Алар эч кандай талап койгон эмес, штабда кишинин бар-жогу да белгисиз.

"Биздин буга эч кандай тиешебиз жок. Ал (Бабанов — ред.) бир да кишиге митингге чыгуу боюнча чакырык таштабаганын бир нече ирет айтты. Башка жообубуз жок. Эч нерсе өзгөргөн жок", — дешти штабдан.

Дүйшөмбү күнү эртең менен президенттикке талапкерлигин койгон Өмүрбек Бабанов маалымат жыйын өткөрүп, бийликти басып алуу ниети жок экенин билдирген. Муну менен бирге ал тарапташтарын чагымчылдыкка алдырбоого чакырган.

Талас облусу Өмүрбек Бабановдун кичи мекени. Шайлоонун алдын ала жыйынтыгы боюнча ал аталган аймактан 85 пайыздан ашыгыраак добуш алган. Ал эми республика боюнча Бабанов үчүн шайлоочулардын 33,74 пайызы добуш берген. Алдыда 55 пайыз добуш алган Сооронбай Жээнбеков келе жатат.

Таласта учурда абал кандай экенин Sputnik Кыргызстан агенттиги жүргүзүп жаткан тексттик трансляциядан окуп таанышсаңыз болот>>

Тема:
Кыргызстандагы президенттик шайлоо - 2017 (257)

Тема боюнча

Таласта учурда эмне болуп жатат? Тексттик трансляция
Добуштарды кол менен саноонун алдын ала жыйынтыгы
Бабанов: мен эч качан бийликти басып албайм
Белгилер:
Талас, Өмүрбек Бабанов

ЭҢ МААНИЛҮҮ