02:21 16 Тогуздун айы 2018
Түз эфир
  • USD69.1798
  • EUR80.0687
  • RUB1.0522
Liglass Trading CZ, SRO чех компаниясынын сайты. Архивдик сүрөт

Liglass, ГЭС, кооптонуу. Кыргызстанга дагы бир соттук иш каамыт болуп илинеби?..

© Sputnik / Жоомарт Ураимов
Коом
Кыскача шилтеме алуу
Чехиянын Liglass Trading CZ, SRO компаниясы менен болгон чыр (17)
153 0 0

Чехия тарап кыргыз өкмүтүнүн расмий чечимин ала элек

БИШКЕК, 19-сен. — Sputnik. Чехиялык Liglass Trading компаниясынын жетекчилиги кыргыз тарап келишимди бир тараптуу бузгандыктан эл аралык арбитраждык сотко кайрылаарын айтты. Бул туурасында чехиялык CTK басылмасы кабарлаган.

18-сентябрь күнү Liglass Trading CZ, SRO чех компаниясы кыргыз өкмөтүнө Жогорку Нарын каскады үчүн 37 миллион долларды төлөө мөөнөтүн узартып берүү суранычы менен кайрылган. Аталган каражатты которуу мөөнөтү 19-сентябрь болчу. Убакыт өткөндөн кийин, кеч курун өкмөт бул компания менен түзүлгөн келишимди бир тараптуу жокко чыгарган.

Чехиялык басылмалар Кыргызстандын жогорудагы чечими туурасында аталган компания жалпыга маалымдоо каражаттарынан билгендигин жазышууда. 

"Бүгүнкү күнгө чейин Кыргызстан өкмөтүнүн инвестициялык макулдашуудан баш тартканы боюнча расмий билдирүүсүн ала элекпиз", — деп айтылат Liglass Trading маалыматында.

Liglass Trading компаниясынын башкы директору Михаэл Смелик абалды CTK маалымат агенттигине айтып берип жатып, сот тууралуу оозанган. Эгерде Кыргызстан келишимден баш тартып, анда жазылгандарды аткарбай, талашты чече турган эрежелерди сактабаса эл аралык арбитраж сотуна кайрылышаарын айткан.

Ал эми кыргыз өкмөтүнүн Өнөр жай, энергетика жана жер казынасын пайдалануу боюнча мамлекеттик комитеттин жетекчиси Улан Рыскулов төмөнкүдөй түшүндүрмө берди.

"Түзүлгөн келишимге ылайык, бардык соттук талаштар Кыргызстандын мыйзамдарын менен каралат. Тагыраагы, кыргыз сотуна кайрылууга туура келет. Бул туурасында так жана даана жазылган. Эл аралык арбитраж деген ал жерде жок", — деди Рыскулов.

Ал эми расмий билдирүү туурасында али 20-сентябрь боло электигин, төлөм мөөнөтү өтө элек болгондуктан, билдирүүнү эрте тапшырбай тургандыктарын айтты.

Кыргыз өкмөтү 2017-жылдын 10-июлунда Чехиянын Liglass Trading CZ, SRO компаниясы менен Жогорку Нарын каскадына жана чакан ГЭСтерди куруу боюнча келишим түзгөн. Инвестор өз ыктыяры менен Кыргызстандын "Русгидро" ишканасына болгон 37 миллион карызын төлөп берүү милдетин алган.

Учурда Кыргызстандагы бир катар жалпыга маалымдоо каражаттары Liglass Trading компаниясынын ишмердүүлүгү туурасында жана алардын ГЭС куруусунан күмөн санаган сын-пикир материалдарды жазган.

Тема:
Чехиянын Liglass Trading CZ, SRO компаниясы менен болгон чыр (17)

Тема боюнча

Зилалиев: Liglass өкмөттөн 37 млн. долларды төлөө мөөнөтүн узартууну өтүнгөн
"Русгидро" Жогорку Нарын каскады боюнча Кыргызстанды сотко берүүгө даяр
Белгилер:
сот, ГЭС, Жогорку-Нарын каскады, РусГидро, Liglass Trading CZ, SRO, Дүйшөнбек Зилалиев, Нарын
Колдонуу эрежелериПикирлер

ЭҢ МААНИЛҮҮ