23:54 19 Жетинин айы 2017
Түз эфир
Жол жасоо иштери. Архивдик сүрөт

Зымырап жүрүп калабыз. Калаада жасалып жаткан жолдордун картасы

© Пресс-служба правительства / Сабыр Аильчиев
Коом
Кыскача шилтеме алуу
Таалайгүл Усенбаева, Мирбек Сакенов
778 0 0

Былтыр Бишкек мэриясы Кытайдын жол салуу боюнча корпорациясы менен бирге калаага 49 жол жана 6 көпүрө куруу боюнча келишимге кол коюп, ушул жылдын жаз айынан бери бир топ жолдордо капиталдык курулуш иштери башталган.

Аталган жолдорду куруу милдети мэриянын Капиталдык курулуш башкармалыгына жүктөлүп, учурда алар кызуу иш үстүндө. Мындан тышкары, "Бишкекасфальт" муниципалдык ишканасы да жергиликтүү шаардык бюджеттин эсебинен 50гө чукул чакан жолдорду оңдоп-түзөөдө.

Буга байлыныштуу Sputnik Кыргызстан агенттиги борбор калаада жалпысынан канча жана кайсы жолдор реконструкцияланып жатканын билгенче алардын ремонт иштери бүтөөр мөөнөтүнө кызыгып көрдү.

Калаанын кайсыл көчөлөрү капиталдык ремонттон өтүп жатат?

Кайсы убакытта бүтүп калат?

Бишкек шаардык капиталдык курулуш башкармалыгынын башчысы Нурлан Эшенбаевдин айтымында, учурда кытай грантынын эсебинен 38 жолдо, анын ичинде жаңы конуштардагы 10 көчөдө ремонт иштери жүрүүдө. 

Начальник Управления капитального строительства мэрии Бишкека Нурлан Эшенбаев на пресс-конференции в мультимедийном пресс-центре Sputnik Кыргызстан
© Sputnik / Жоомарт Ураимов
Бишкек шаардык капиталдык курулуш башкармалыгынын башчысы Нурлан Эшенбаев

"Негизи кытайлыктар менен түзүлгөн келишимде 49 жолду эки жылдын ичинде ремонттоп жасоо каралган. Учурда 38 көчөдө, анын ичинен жаңы конуштарда 10 көчөдө капиталдык ремонт жүрүп жатат. Ноябрь айына чейин 28 жол толугу менен ишке кирип калат. Ошондой эле биздин планда чоң магистралдык да жолдор болгондуктан, аларга быйыл үлгүрбөйбүз. Алсак, Лев Толстой көчөсүн Ак-Ордо жаңы конушунан башындагы Барпы Алыкулов көчөсүнөн Ауэзов көчөсүнө чейин чоң магистраль кылып жасайбыз. Бул жолдун ортосунда эстакадалык көпүрө да курулат. Ошондой эле Ахунбаев көчөсүн 5400 метрге чейин чоебуз", — деди Эшенбаев.

Ал ошондой эле кээ бир жолдорду жасоодо шаар тургундары менен түшүнбөстүктөр болгондуктан, айрым иштер кармалып калганын кошумчалап кетти.

"Кээ бир жерлерге жол салууда шаар тургундары бак-дарактарды кыйдырганга каршы чыгып, ага бир топ убакыт кетип калды. Ошондой эле кээ бир учурда иш жүрбөй жаткандай көрүнүп нааразы болгондор бар. Бирок жол куруунун өзүнүн технологиялык нормалары болот, иш ошого жараша жүрөт", — деди капиталдык курулуш башкармалыгын башчысы.

Ал эми "Бишкекасфальтсервис" муниципалдык ишканасы тарабынан быйылкы жылы 30дан ашуун жол ишке берилип калат. 

Начальник муниципального предприятия Бишкекасфальтсервис Мирлан Амантуров
© Фото / Алманбет Айбеков
"Бишкекасфальтсервис" ишканасынын жетекчиси Мирлан Амантуров

"1-сентябрга чейин биз жасап жаткан жолдордун жарымынан көбү бүтүп, 1-ноябрга чейин толук аягына чыгып калат. Көчөлөргө эки кабат асфальт төшөлүп, жөө адамдар басчу жол, ирригациялары да кошулган", — деди "Бишкекасфальтсервис" ишканасынын жетекчиси Мирлан Амантуров.

Канча сомдук жолдор салынууда?

Капиталдык курулуш башкармалыгы салып жаткан жолдорго кытай тарап "Бишкек шаарынын жолдорун өнүктүрүү жана кайра куруу" долбоорунун негизинде 1-фазага 478 миллион юань бөлүп бермей болгон. Бирок бул акча мэрияга накталай берилген эмес. Каражатты кытай тарап жумушка жараша улам бөлүп берип, көзөмөлдү да өздөрү жүргүзүп турат.

Ал эми "Бишкекасфальтсервис" ишканасы салып жаткан 50 чакырым 405 метрлик жолго шаар бюджетинен 688 миллион сом каражат каралган. Башкача айтканда 1 чакырым жолго 12,5 миллион сом эсептелген.

Мындан сырткары, кытай грантынын эсебинен калаада алты көпүрө салына баштады. Алардын эң эле көзгө көрүнүктүүсү Лев Толстой көчөсүндө жайгашкан эстакадалык көпүрө болот. Мэрия ал кийинки жылга эсептелгендиктен быйыл бүтпөй турганын кошумчалады.

Тема боюнча

Бишкектин оңдолуп жаткан кээ бир көчөлөрү ачылды
Оңдоо иштеринен кийин Бухара көчөсүнүн бир бөлүгү ачылды
Өкмөт башчы Ала-Бука – Аксы – Таш-Көмүр жолун оңдоо боюнча тапшырма берди
Автобекеттин аймагындагы жер астындагы өтмөк жайдын аягына чейин оңдолот
Белгилер:
жол оңдоп-түзөө иштери, ремонт, жол, Бишкек
Колдонуу эрежелериПикирлер

ЭҢ МААНИЛҮҮ