08:02 20 Аяк оона 2017
Түз эфир
районуна караштуу Семиз-Бел айылынын Арзымкан Бостонов атындагы мектептин мугалимдери бүгүн нааразычылык акциясына чыгышты

Митинг: Кочкордо мугалимдер иш таштады

© Фото / Нурзада Мукашева
Коом
Кыскача шилтеме алуу
Исмаил Мамытов
94240

Акцияга чыккан мугалимдер маянага кошумча төлөнчү акчанын кыскаргандыгына нааразы.

БИШКЕК, 20-мар. — Sputnik. Кочкор районуна караштуу Семиз-Бел айылынын Арзымкан Бостонов атындагы мектептин мугалимдери бүгүн нааразычылык акциясына чыгышты. Бул тууралуу Sputnik Кыргызстан агенттигине Семиз-Бел айылдык кеңешинин депутаты Бакыт Бейшенбеков билдирди.

Анын айтымында, нааразычылык акциясына 30-40га жакын мугалим чыккан.

  • Кочкор районуна караштуу Семиз-Бел айылынын Арзымкан Бостонов атындагы мектептин мугалимдери бүгүн нааразычылык акциясына чыгышты.
    Кочкор районуна караштуу Семиз-Бел айылынын Арзымкан Бостонов атындагы мектептин мугалимдери бүгүн нааразычылык акциясына чыгышты.
    © Фото / Нурзада Мукашева
  • Нааразычылык акциясына 30-40га жакын мугалим чыккан.
    Нааразычылык акциясына 30-40га жакын мугалим чыккан.
    © Фото / Нурзада Мукашева
1 / 2
© Фото / Нурзада Мукашева
Кочкор районуна караштуу Семиз-Бел айылынын Арзымкан Бостонов атындагы мектептин мугалимдери бүгүн нааразычылык акциясына чыгышты.

"Биздин мугалимдер бийик тоолуу райондо иштегендиктен буга чейин 20 пайыздык коэффициенттин негизинде айлыгына кошумча акча алып келишкен. Жаңы өзгөртүүлөр киргизилип, кошумча акчалар кыскартылды. Окутуучулар ошого нааразы болуп жатышат", — деди Бейшенбеков.

Ал эми аталган мектепте математика боюнча сабак берген Темирбек Эсеналиев айлыгы эки эсе кыскаргандыгын билдирип, мугалимдер жамааты иш таштаганын кабарлады. 

© Видео / Айнура Султанбек кызы
Митинг: Кочкордо мугалимдер иш таштады

"Буга чейин тоолуу райондо иштегендер үчүн 20 пайыздык коэффициент каралып, 30 жылдык тажрыйбасы барларга 30 пайыздык кошумча акча берилчү. Эми анын баарын жоюп салышты. Мен буга чейин 14 миңге чукул айлык алсам, азыр 7 900 сом чыгып жатат. Буга байланыштуу иш таштап, каршылык акциясына чыгып жатабыз", — деди Эсеналиев.

Математика мугалими калыстык болбой жатканына нааразы экенин баса белгиледи.

"Биздин айылды бийик тоолуу аймакка кирбейт деп жатышат. Алардын айтымында, буга чейин адашып эсептеп келишкен экен. Башка айылдар деле бизге окшош бийиктикте жайгашкан. Аларга 10 пайыздык кошумчаларды калтырып, биздикин эле такыр жоюп салышты", — деди мугалим.

Ал эми Кара-Тоо айылынын Шарипбек Абдылдаев атындагы орто мектебинин директору Чолпон Өмүрова аталган мектептин жамааты дагы жаңы өзгөрүүлөргө каршы экендигин кошумчалады.

"Мыйзам боюнча деңиз деңгээлинен 1800 метр бийикте жашап, иштегендерге 20 пайыздык коэффициент кошулушу керек. Биздин айыл 1810 метр бийиктикте жайгашкан. Ага карабай 10 пайыздык кылып кыскартып коюшту, ошого маглимдер жамааты нааразы болууда", — деди Өмүрова.

Билим берүү жана илим министрлигинин алдындагы бюджеттик саясат башкармалыгынын башкы адиси Салмоор Асанов эч кандай мыйзам бузуу болбогондугун билдирди.

"Бийик тоолуу аймактарга 20 пайыздык коэффициент кошуу өкмөттүн атайын чыгарылган токтомуна ылайык каралат. Анда деңиз деңгээлинен 1800 метр бийик жашагандарга кошулат. Семиз-Бел айылы болсо 1 790 метр бийиктикте жайгашкан. Баары мыйзамдуу", — деди Асанов.

Ал буга чейин айлыктар жергиликтүү өзүн-өзү башкаруу органдары аркылуу берилип, 2013-жылдан кийин өзгөрүүлөр киргизилгенин кошумчалады.

"Текшерүүлөрдөн кийин деңиз деңгээлинен ылдый жайгашканы маалым болуп, кошумча акча төлөнбөй калды. 20 пайыздык жана 10 пайыздык коэффициенттер мыйзам чегинде бөлүштүрүлдү", — деди адис.

Асанов эгерде талаш жагдай жаралса анда айылдын бийиктик абалын дагы бир жолу аныктап чыгуу керектигин кошумчалады.

Тема боюнча

Жүк ташуучу Кулунчаков: Кытайга алты айдан бери кире албай турабыз
Базар-Коргондук дыйкан 30 тонна муздаткыч жай куруп, анын көлөмүн көбөйтүүнү пландоодо
Белгилер:
мугалим, айлык-акы, акция

ЭҢ МААНИЛҮҮ