10:48 24 Кулжа 2018
Түз эфир
  • USD68.2440
  • EUR79.6305
  • RUB1.0791
Кукла с цветами на месте авиакрушения самолета Boeing-747 в селе Дача-Суу недалеко от аэропорта Манас

Авиакырсык: тажикстандык активисттер Жакшылыкка кат жазып, оюнчуктарды жиберишти

© AP Photo / Vladimir Voronin
Коом
Кыскача шилтеме алуу
Дача айылындагы авиакырсыктын кесепеттери (215)
21621

Тажикстандык активисттер учак кырсыгынан каза болгондордун жакындарына көңүл айтып, үй-бүлөсүнөн ажыраган балага китеп, оюнчук жана сүрөттөрдү салууда.

БИШКЕК, 30-янв. — Sputnik. Жети жаштагы Жакшылыкка Тажикстандын жаш активисттери оюнчуктарды жана каттарды жөнөтүп жатышканын Тышкы иштер министрлигинин маалымат кызматы билдирди.

Кыргызстандын Тажикстандагы элчилигине активист Парвин Эргашева кайрылып, үй-бүлөсүнөн айрылган жети жаштагы балага кат, китеп жана сүрөттөрдү берген. Ал 14 миңдей мүчөсү бар "Биз тажикстандыктар" деп аталган интернет-коомчулугунун өкүлү экенин айткан.

Письмо 12-летней Сафины из Таджикистана Жакшылыку
© Фото / пресс-служба МИД КР
Тажикстандык 12 жашар Сафинанын Жакшылыкка жиберген каты

Ал Тажикстандын эли дагы кырсыктан каза болгондорго көңүл айтып, аза кайгысын тең бөлүшө турганын билдирген. Душанбенин жаш активисттери 250 доллар, 3 китеп жана балдар жасаган открыткаларды чогултушкан.

Тажикстандык бөбөктөр открыткаларына Жакшылыкты "капаланба" деп жазышканын Тышкы иштер министрлиги билдирди.

Письмо 9-летнего мальчика из Душанбе Жакшылыку
© Фото / пресс-служба МИД КР
Душанбелик 9 жашар баланын каты

"Капаланба! Кудай сени жакшы көрөт. Биз дайыма сенин жаныңдабыз. Сенин көп досторуң болот. Буюрса сени менен жолугуп сүйлөшсөк дейбиз! Жолугушканча", — деп жазганын ТИМ баса белгиледи.

Жакшылык менен достошкусу келген балдар өздөрүнүн үй жана электрондук даректерин жазышкан.

Дүйшөмбү күнү Тышкы иштер министрлигинде министрдин орун басары Динара Кемелова Жакшылык, анын чоң атасы жана тууган эжеси менен жолуккан.

Аларга тажикстандык балдар салган белектер жана кат тапшырылганын ТИМдин маалымат кызматы билдирди.

Белгилей кетсек, 16-январда эртең менен Дача айылына Boeing-747 учагы кулап, 39 кишинин өмүрү кыйылган. Кырсыктын чоо-жайын Мамлекеттер аралык авиациялык комитети иликтеп жатат.

Тема:
Дача айылындагы авиакырсыктын кесепеттери (215)

Тема боюнча

Муфтият: бүгүн авиакырсыктан жабыркагандарга 4 миллионго чукул каражат таратылат
Авиакырсыктан жабыркагандар үчүн ачылган эсепке 36 млн. сом чогулду
Белгилер:
авиакырсык, балдар, Кыргызстан
Колдонуу эрежелериПикирлер

ЭҢ МААНИЛҮҮ