БИШКЕК, 30-мар. — Sputnik. Кыргыз Эл артисти Саламат Садыкованын үйүнө кирип, 30 миң долларын жана зер жасалагаларын уурдап кеткендердин иши сотко өттү. Бул тууралуу ИИМ билдирди.
11 Бирдин айы 2016, 09:53
Эскерте кетсек, 2014-жылдын декабрь айында чаламандын чак түшүндө ырчынын үйү каракталган. Садыкованын арызынын негизинде Октябрь районунун тергөө бөлүмү тарабынан Кылмыш жаза кодексинин 164-беренесинин (Уурулук) негизинде кылмыш иши козголгон.
Иликтөө иштеринин натыйжасында бир жылдан кийин аталган кылмышка шектүү катары 30 жаштагы Александр Мельников жана 35 жаштагы Ахмед Исаев аттуу жарандар колго түшүрүлгөн. Экөө тең буга чейин кылмыш жообуна тартылып, уурулук менен алектенип келишкен.
Мельниковдун үйүн тинтүү маалында Садыковага тиешелүү күмүш сөйкө-шакек табылган.
Учурда аталган иш боюнча тергөө аяктап, материал Октябрь райондук сотуна жөнөтүлдү.
