Атасы Рахмадил Жуманазаров 1955-жылы туулган, эркин күрөш боюнча машыктыруучу. Апасы Айнура Чолпонкулова 1971-жылы туулган, кесиби фельдшер-лаборант. Мээрим — сегиз бир туугандын төртүнчүсү.
- 2005-2014-жылы туулуп өскөн айылындагы Токтогул Чогушев атындагы орто мектепте окуган;
- 2014-2016 — Кыргызстан Эл аралык университетинин колледжинде билим алган;
- 2017-жылдан тарта Кыргыз мамлекеттик дене тарбия жана спорт академиясынын машыктыруучулук факультетинин 1-курсунун студенти
Жетишкендиктери:
- 2014 — Бангкокто өткөн Азия чемпионатында коло медаль;
- 2015 — Индияда өткөн Азия чемпионатында коло медаль;
- 2016 — Грузияда өткөн дүйнө биринчилигинде коло медаль;
- 2017 — Бангкокто өткөн Азия чемпионатында алтын медаль;
- 2017 — Финляндияда өткөн дүйнө чемпионатында коло медаль;
- 2017 — Түркмөнстандын Ашхабад шаарында өткөн жабык имараттагы Азия оюндарында коло медаль;
- 2019 — Чоңдор арасындагы Азия чемпионатында алтын медаль;
- 2021 — Токио шаарындагы XXXII жайкы Олимпиада оюндарында коло медаль.
-
Кыз-келиндер арасындагы күрөш боюнча эл аралык класстагы спорт чебери.
