Ысык-Ата шайлоо округунан 11 талапкер ат салышууда
01:35 03.11.2021 (Жаңыртылды: 14:27 14.12.2021)
© Sputnik
Жазылуу
№ 30 округдагы шайлоочулардын саны — 96 697. Ага Ысык-Ата районунун Кант шаары жана бардык айыл аймактары кирет.
БИШКЕК, 3-ноя. — Sputnik. Борбордук шайлоо комиссиясы Чүй облусунун №30 Ысык-Ата шайлоо округунан катталган талапкерлердин тизмесин жарыялады. Бул аймактан Жогорку Кеңештин депутаты мандаты үчүн 11 жаран ат салышууда.
Талапкерлердин материалда көрсөтүлгөн ирети бюллетендеги катар номерине карап жазылды.
- Касымов Аскар Тумурчинович, 08.09.1971, Эл аралык башкаруу, укук, финансы жана бизнес академиясында "юриспруденция" адистигин бүткөн. "КР Иттиппак уйгурлар коому" коомдук бирикмесинин төрагасы;
- Курманов Байыш Жантаевич, 12.04.1969, Айыл чарба институтунда "агрономия" адистигин окуган. "АйКамДан" айыл чарба кооперативинин төрагасы;
- Таштанбеков Акбөкөн Дукенович, 17.05.1963, Ишеналы Арабаев атындагы Кыргыз мамлекеттик университетинде "юриспруденция" адистигин аяктаган. "Афган согушунун ардагерлери жана башка согуштук жаңжалдардын катышуучулары" саясий партиясынын саясий кеңешинин төрагасы;
- Дурсунов Атамша Латифович, 19.09.1961, Кыргыз улуттук агрардык университетинин агрономия факультетин бүтүргөн. "Ахыска" Түркиянын Кыргызстандагы диаспорасы коомдук бирикмесинин жетекчиси;
- Жыргалбаев Нурбек Усенкулович, 11.10.1973, Президенттин алдындагы Мамлекеттик башкаруу академиясында "менеджмент" адистигин окуган. Красная Речка айыл өкмөтүндөгү жайыт колдонуучулар бирикмесинин төрагасы;
- Бекитаев Мирлан Абдыбекович, 05.07.1977, Кыргыз мамлекеттик юридикалык академиясында "финансы жана кредит" адистигин аяктаган. "Стратегиялык изилдөөлөр бюросу" компаниясынын директору;
- Эдигеев Джанат Асылбекович, 15.08.1988, Кыргыз мамлекеттик курулуш, транспорт жана архитектура университетинде "уюштуруу жана коопсуздук кыймылы" адистигин окуган. Саткынбай Тентимишев атындагы Азия медициналык институтунун проректору;
- Рыскулов Максат Борисович, 13.01.1987, Кыргыз улуттук агрардык университетинде "бухгалтердик эсеп, анализ жана аудит" багыты боюнча окуган. Жумушсуз.
- Садовников Вадим Александрович, 27.09.1973, Башкаруу, укук, финансы жана бизнес эл аралык академиясында "салык алуу жана казыналык", "юриспруденция" адистиктерин окуган. Учурда эч жерде иштебейт.
- Будайчиев Дуйшомбек Кадыркулович, 12.10.1959, Фрунзе техникалык институтунун "механика жана машина куруу" адистигин бүткөн. Иштеген жери көрсөтүлгөн эмес;
- Кожокеев Акылбек Алмарбекович, 17.08.1987, Президенттин алдындагы Кыргыз мамлекеттик башкаруу академиясында "юриспруденция" адистигин бүткөн. Жумушсуз.
№ 30 округдагы шайлоочулардын саны — 96 697. Ага Ысык-Ата районунун Кант шаары жана бардык айыл аймактары кирет.
Бир мандаттуу округдан эң көп добушка ээ болгон талапкер Жогорку Кеңештин депутаты мандатын алат. Эгер добуштар тең чыгып калса, БШКга биринчи болуп документ тапшырганы жеңүүчү аталат.
