Президенттин аппараты Садыр Жапаровдун Россияга болчу иш сапары боюнча үн катты

© Sputnik / Табылды Кадырбеков Жаңы шайланган өлкө башчы Садыр Жапаров. Архив
 Жаңы шайланган өлкө башчы Садыр Жапаров. Архив - Sputnik Кыргызстан
Жазылуу
Учурда Кыргызстан Россия тарап менен бирге иш сапардын датасы жана мазмунун даярдап жатканы айтылды.
БИШКЕК, 26-янв. — Sputnik. Жаңы шайланган өлкө башчы Садыр Жапаровдун Россияга болчу расмий иш сапары боюнча президенттин маалымат катчысы Галина Байтерек билдирүү таратты.
Президенттин маалымат кызматы билдиргендей, буга чейин социалдык тармактарда "Сыягы, Россия Садыр Жапаровду кабыл алууга даяр эмес" деген маалыматтар тараган. Буга байланыштуу Байтерек аталган маселе боюнча үн катты.
"Жаңы шайланган президент Садыр Жапаров биринчи расмий иш сапарын Россияга жасоону пландоодо. Бул багытта иштер жүрүп жатат. Россия тарап менен иш сапардын датасы жана мазмуну иштелип, даярдалып жатат. Соцтармакка тараган "Россия Садыр Жапаровду кабыл алууга даяр эмес" деген маалыматтар чындыкка дал келбейт. Учурдан пайдаланып коомчулукту мындай чагымчыл маалыматтарга ишенбей, такталган гана билдирүүлөрдү окууга чакырып кетет элем", — деген Байтерек.
Эске салсак, Садыр Жапаровдун инаугурациясы 28-январда өтөт.
Жаңылыктар түрмөгү
0