10:28 14 Бештин айы 2019
Түз эфир
  • USD69.8482
  • EUR78.0693
  • RUB1.1166
Жогорку Кеңеш. Архив

Саймаитинин өлүмүн иликтечү комиссияга Матраимов менен Сулайманов да кирди

© Фото / пресс-служба Жогорку Кенеша
Саясат
Кыскача шилтеме алуу
Ишкер Айэркен Саймаитинин Түркияда өлтүрүлүшү (33)
1523 0 0

Жалпысынан комиссиянын түзүлүшүн колдоп 85 депутат "макул" деп добуш беришти. Анын курамында Искендер Матраимов, Алтынбек Сулайманов жана башка бир катар депутаттар бар.

БИШКЕК, 21-ноя. — Sputnik. Түркиянын Стамбул шаарында киши колдуу болгон ишкер Айэркен Саймаитинин өлүмү боюнча Жогорку Кеңеште депутаттык комиссия түзүлдү.

21-ноябрда Жогорку Кеңештин жалпы жыйынында депутат Алтынбек Сулайманов ишкердин өлүмү боюнча айрым эл өкүлдөрүн каралоо жүрүп жатканын айткан. Сулайманов ишкер Саймаити ким, Кыргызстанга качан келген, кыргыз паспортун кантип алганы сыяктуу бир катар маселелер айтылышы керектигин билдирип, депутаттык убактылуу комиссия түзүүнү сунуштаган. Анын мындай демилгесин бир катар депутаттар колдоого алган.

Убактылуу комиссияга ар бир фракциядан депутаттар кирди. Алар:

  • КСДП фракциясынан Өмүрбек Бакиров, Сайдолимжон Жураев, Аалы Карашев жана Искендер Матраимов.
  • "Республика — Ата-Журт" фракциясынан Мирлан Жээнчороев, Закир Шарапов жана Талант Мамытов.
  • "Кыргызстан" фракциясынан Данияр Төлөнов, Алмазбек Эргешев.
  • "Өнүгүү — Прогресс" фракциясынан Тынчтык Шайназаров.
  • "Бир Бол" фракциясынан Алтынбек Сулайманов.
  • "Ата Мекен" фракциясынан Алмамбет Шыкмаматов.

Жалпысынан комиссиянын түзүлүшүн колдоп 85 депутат "макул" деп добуш беришти.

Эске салсак, 10-ноябрда кечинде Стамбулдун Фатих аймагындагы мейманканалардын биринин алдынан ишкер Айэркен Саймаити атып өлтүрүлгөн.

Кийин шектүү катары үч киши Сирияга өтүп кетүүгө аракет кылган учурда Адана аймагынан кармалган. Айрым маалыматтарда колго түшкөн үч кишинин экөө Кыргызстандын жараны экени айтылган, бирок кийин Кыргызстандын Мамлекеттик каттоо кызматы шектүүлөргө Кыргызстандын паспорту берилбегенин жана КРдин жараны эместигин кабарлаган.

Андан сырткары, кылмыш болгон аймактан анча алыс эмес жерден Кыргызстандын Стамбулдагы башкы консулу Эркин Сопоковго таандык Range Rover үлгүсүндөгү автоунаа табылган. КР Тышкы иштер министрлиги Сопоков буга чейин да бир нече эреже-шарттарды бузганын айтып, ал мамлекет башчынын Жарлыгы менен иштен алынган.

Тема:
Ишкер Айэркен Саймаитинин Түркияда өлтүрүлүшү (33)

Тема боюнча

Жогорку Кеңеште ишкер Саймаитинин өлүмү боюнча комиссия түзүү сунушталды
Саймаитини өлтүрдү деп шектелгендер Кыргызстандын жараны эмес болуп чыкты
Белгилер:
комиссия, Айеркен Саймаити, Жогорку Кеңеш

ЭҢ МААНИЛҮҮ