13:54 11 Бугу 2021
Түз эфир
  • USD84.7112
  • EUR103.0978
  • RUB1.1491
Коом
Кыскача шилтеме алуу
Ишкер Айэркен Саймаитинин Түркияда өлтүрүлүшү (40)
10210

Эске салсак, 10-ноябрда кечинде Стамбулдун Фатих аймагындагы мейманканалардын биринин алдынан ишкер Айэркен Саймаити атып өлтүрүлгөн болчу.

БИШКЕК, 21-ноя. — Sputnik. Жогорку Кеңештин бир нече депутаты Түркияда өлтүрүлгөн ишкер Айэркен Саймаитинин окуясын иликтөө боюнча убактылуу депутаттык комиссия түзүүнү сунуштады.

Атап айтканда, депутат Алтынбек Сулайманов Саймаитинин өлүмүнөн кийин аны жана башка кесиптештерин каралаган материалдар көбөйүп жатканын билдирди.

"Кандайдыр бир күчтөр бул маселени өзүнөн башка жакка бургусу келип жатат. Ошондуктан Саймаити ким, Кыргызстанга качан келген, кантип кеткен, кыргыз паспортун кантип алган, Кыргызстандын дипломатынын машинасында кантип жүргөн, кимдер менен жакын, кимдер менен душман болгонун иликтөө үчүн убактылуу депутаттык комиссия түзүүнү сунуштайм", — деди ал.

Сулайманов депутаттык комиссия Түркиянын парламенти жана тергөө органдары менен байлынышып иш алып баруусу керектигин белгиледи.

"Угушум боюнча, биздин күч органдары Түркияга кетиптир. Алардын берген маалыматына эл ишенбейт, күч органдары азыр кандай абалда экенин баарыңар жакшы билесиздер. Биз алардын парламенти менен түз иштешип, иликтешибиз керек. Бул ишти жасап коюп башка жакка бурам деген баатырлар адашышат", — деди ал.

Депутат Жанар Акаев да депутаттык комиссия сөзсүз түзүлүшү керектигин айтты.

"Ишкер Саймаитинин өлүмү менен Кыргызстандан чыгарылган акчаларды депутаттык комиссия иликтеши керек. Саясий күчтөрдүн бул окуяны бири-бирине оодарууга аракет кылганы туура эмес. Биз бир дагы саясий топтун кызыкчылыгын көздөбөй, мамлекеттин кызыкчылыгын көздөшүбүз керек", — деди ал.

Эл өкүлү Төрөбөй Зулпукаров депутаттык комиссия азыр болуп жаткан алаксытуу тактикасын кимдер колдонуп жатканын да иликтеши керектигин айтты. Андан сырткары, бул иште Түркиянын укук коргоо органдары так аныктап берерине ишене турганын белгиледи.

"Түркиянын чуулгандуу саясий иштерди аныктап келгенин билебиз. Саймаити кимдер менен дос, кимдер менен душман болгон, канча жолу учкан аныктап коюшубуз керек. Коомчулукка билдириш керек. Бул жерде бет тырмачылык да болуп жатат. Ошол ачыкка чыгып калса жакшы болмок. Акыйкаттыкты жеткирүүгө биз да аракет кылалы", — деди ал.

Эске салсак, 10-ноябрда кечинде Стамбулдун Фатих аймагындагы мейманканалардын биринин алдынан ишкер Айэркен Саймаити атып өлтүрүлгөн болчу.

Кийин шектүү катары үч киши Сирияга өтүп кетүүгө аракет кылган учурда Адана аймагынан кармалган. Айрым маалыматтарда колго түшкөн үч кишинин экөө Кыргызстандын жараны экени айтылган, бирок кийин Кыргызстандын Мамлекеттик каттоо кызматы шектүүлөргө Кыргызстандын паспорту берилбегенин жана КРдин жараны эместигин кабарлаган.

Андан сырткары, кылмыш болгон аймактан анча алыс эмес жерден Кыргызстандын Стамбулдагы башкы консулу Эркин Сопоковго таандык Range Rover үлгүсүндөгү автоунаа табылган. КР Тышкы иштер министрлиги Сопоков буга чейин да бир нече эреже-шарттарды бузганын айтып, ал мамлекет башчынын Жарлыгы менен иштен алынган.

Тема:
Ишкер Айэркен Саймаитинин Түркияда өлтүрүлүшү (40)

Тема боюнча

ИИМ киши колдуу болгон Саймаити Кыргызстанда эмне кылмыш кылганын айтты
Кыргызстандыктар өлтүрдү деген Саймаити эл аралык издөөдө болчу
Белгилер:
комиссия, Айеркен Саймаити, Жогорку Кеңеш

ЭҢ МААНИЛҮҮ