Жогорку Кеңеш Алмазбек Атамбаевди экс-президент макамынан ажыратты

© Sputnik / Табылды КадырбековКыргызстандын мурунку президенти Алмазбек Атамбаев. Архив
Кыргызстандын мурунку президенти Алмазбек Атамбаев. Архив - Sputnik Кыргызстан
Жазылуу
Буга чейин башкы прокурор мурдагы президент Алмазбек Атамбаев боюнча Кылмыш-жаза кодексинин "Коррупция" беренеси боюнча сотко чейинки тергөө иштери башталганын айткан.

БИШКЕК, 27-июн. — Sputnik. Жогорку Кеңеш жалпы жыйынында мурдагы өлкө башчысы Алмазбек Атамбаевди экс-президент макамынан ажыратты. Мындай чечимди 103 депутат жактырса, 6 депутат каршы болду.

Атамбаевдин маселесин кароо күн тартибине 27-июнда эртең менен гана киргизилген. Жогорку Кеңештин сайтында парламенттин жалпы жыйынынын расписаниеси бир нече жолу жаңыланды.

Мыйзам боюнча мамлекет башчыларын "экс-президент" статусунан ажыратуу үчүн жалпы депутаттардын үчтөн эки бөлүгү добуш бериши керек. "КР президентинин ишмердүүлүгүнүн кепилдиктери жөнүндө" мыйзамына ылайык, экс-президент кылмыш жоопкерчилигине аталган макамынан ажыратылгандан кийин гана тартылат.

Ситуация около дома экс-президента КР Алмазбека Атамбаева в селе Кой-Таш. 2 день - Sputnik Кыргызстан
Атамбаевдин Кой-Таштагы үйүнүн жанында эмне болуп жатат? 2-күн
Эске салсак, Атамбаевди экс-президент макамынан ажыратуу үчүн ага каршы күнөө коюу маселеси боюнча комиссия түзүлгөн. Анын мүчөлөрү 17-июнь күнү Атамбаевге коюлуп жаткан айыптарды жарыялаган. 18-июнда комиссиянын ишинин жыйынтыгы Жогорку Кеңеште каралып, андан ары Башкы прокуратурага жөнөтүлгөн.

Ал эми көзөмөл органы 25-июнь күнү парламенттин Конституциялык мыйзамдар, мамлекеттик түзүлүш, сот-укуктук маселелер жана Жогорку Кеңештин Регламенти боюнча комитетте Алмазбек Атамбаевге атайын комиссия тарабынан коюлган алты айыптын бешөөнү негиздүү деп тапканын билдирген.

Алар: Кой-Таш айылындагы жер тилкесин мыйзамсыз алуу, кримтөбөл Азиз Батукаевдин мыйзамсыз бошотулушуна, акча адалдаган "Ака инвест" сыяктуу бир нече компанияга тиешеси бардыгы, Бишкек ТЭЦин реконструкциялоодогу коррупциялык иштер жана ТЭЦке көмүр ташыган компаниянын кызыкчылыгын коргоо маселеси.

Башкы прокурордун айтымында, ар бир иш боюнча Жазык кодексинин 319-беренеси ("Коррупция") менен сотко чейинки өндүрүштөр жүргүзүлүп жатат.

Ал эми Атамбаевдин Кой-Таштагы үйүнүн жанына анын тарапташтары чогулуп турат. Sputnik Кыргызстан агенттиги тексттик трансляция жүргүзүүдө.

Жаңылыктар түрмөгү
0