БИШКЕК, 16-май – Sputnik. Сооронбай Жээнбеков "КР Президентинин ишмердигинин кепилдиктери жөнүндө" мыйзамга өзгөртүүлөрдү киргизүү тууралуу" мыйзамга кол койду. Бул тууралуу президенттин аппаратынан билдиришти.
Сурамжылоо
- Ооба, мыйзам алдында баары бирдей79.7% (390)
- Импичмент сыяктуу процедураны иштеп чыгуу керек7.0% (34)
- Жок, анда президенттер маанилүү чечимдерди кабыл алуудан чочулап калат10.4% (51)
- Мага баары бир, саясаттан оолак адаммын2.9% (14)
"Аталган мыйзам 2010-жылдын 27-июнундагы референдумдагы Конституцияга ылайык келтирүү максатында кабыл алынган", — деп айтылат маалыматта.
Белгилей кетсек, Жогорку соттун Конституциялык палатасы 2018-жылдын 3-октябрында "КР Президентинин ишмердигинин кепилдиктери жөнүндөгү" мыйзамдын 12-беренеси Баш мыйзамдын 16-беренесине (3-бөлүгү) каршы келерин баса белгилеген.
КП судьялары учурдагы нормага ылайык экс-президент өлкө башчы болуп турган маалында жасаган иштери үчүн жооп бербей турганын айтышкан.
Мыйзам расмий жарыяланган күндөн тартып он күн өткөндөн кийин күчүнө кирет.
