БИШКЕК, 8-окт. — Sputnik. Жогорку Кеңештеги КСДП фракциясы аталган партиянын саясий кеңешинин депутат Кожобек Рыспаевди катарынан чыгаруу боюнча сунушун четке какты. Бул тууралуу фракциянын катчылыгы билдирди.
Ага ылайык, Рыспаевди фракциядан чыгарууга каршымын деп 26 депутат добуш берген. 4 эл өкүлү макул болсо, калгандары калыс пикирин айткан.
Жогорку Кеңештеги КСДП фракциясында учурда 37 депутат бар.
КСДПнын саясий кеңеши август айынын аягында жыйын куруп, анда депутат Кожобек Рыспаевди партиянын катарынан чыгаруу боюнча чечим кабыл алган. Кеңеш Рыспаевдин көз карашы партиянын багытына туура келбейт, өзүнүн мамилеси менен партиядан тышкары экенин далилдеди деп бүтүм чыгарган.
