Алмазбек Атамбаев Албек Ибраимовдун камалышы боюнча үн катты

Жазылуу
УКМК 19-июлда Албек Ибраимовду камакка алган.

БИШКЕК, 19-июл. — Sputnik. Экс-президент, Кыргызстан социал-демократтар партиясынын лидери Алмазбек Атамбаев мурдагы премьер Сапар Исаковго жана Бишкектин экс-мэри Кубанычбек Кулматовго карата козголгон кылмыш иштеринде чындыктын бурмаланып жатканын көрүп, Албек Ибраимовдун иши адилет териштирилеринен күмөнү бар экенин айтты. Бул тууралуу партиянын катчылыгы билдирди.

Белгилей кетсек, Улуттук коопсуздук мамлекеттик комитети Бишкек шаарынын мэри Албек Ибраимовду кармаган. УКМКнын билдиришинче, Ибраимов тергөөчүгө курал колдоно турганын айтып коркуткан.

"Албек Ибраимовду ТНК "Дастан" ишканасына миллиондогон киреше алып келген долбоору үчүн кантип күнөөлөгөнгө болот, мен такыр түшүнбөйм", — дейт Атамбаев.

Экс-президент аталган ишкананын тарыхында мамлекет биринчи жолу дивиденд алганын белгилеген.

Албек Ибраимовго "ТНК Дастан" ААКсынын буюм сатып алууда жогорулатылган бааны көрсөтүү менен мекчиктештирилген каражаттары боюнча Кылмыш жаза кодексинин 171-беренесинин (ишенип берилген мүлктү ыйгарып алуу же төлөмөр болуу) негизинде кылмыш иши козголгон.

Экс-президент Алмазбек Атамбаевдин архивдик сүрөтү - Sputnik Кыргызстан
КСДП Атамбаев "сатып алды" деген Кой-Таштагы жер боюнча УКМКга жооп берди
Билдирмеге ылайык, иликтөө маалында Ибраимов аталган ишкананын башкаруучулугунун төрагасы болуп туруп, коргонуу багытындагы каражатты сатып алуу үчүн ири суммадагы каражат кетчү келишим түзгөн. Мындан соң ал товар жеткирип берген тараптан акчалай сыйлык катары 270 миң доллар алганы айтылат. Ушул эле кылмыш иштин алкагында "Солнечный берег" пансионатын сатууда "ТНК Дастан" ААКсы 152 миллион сом чыгым тартканы аныкталган.

Ошондой эле жер тилекелерин берүүдөгү коррупциялык фактылар боюнча да кылмыш иши козголгон. Анда Албек Ибраимов Бишкек шаарынын мэри болуп турганда өзүнүн жана башка тараптардын материалдык пайдасы үчүн коррупциялык схема уюштуруп мыйзамсыз түрдө жер тилкелерин берип жибергени айтылат. Тагыраагы, 2017-жылы Ибраимовдун түздөн-түз тапшырмасы менен конкурс өтүп, Бишкектин түштүк тарабындагы аянты беш гектардан ашык эки жер тилкеси ортомчулардын атына катталган. Муну менен аталган жер тилкелери үчүнчү тарапка кымбат баада сатылып кеткен.

Жаңылыктар түрмөгү
0