БИШКЕК, 24-ноя. — Sputnik. Алты жыл ичинде айрым иштерди жүзөгө ашыра албай калганым үчүн кечирим сурайм, кыргыз элим, мени кечирип койгула. Мындай сөздөрдү экс-президент Алмазбек Атамбаев өлкө башчы Сооронбай Жээнбековдун инаугурациясында айтты.
"Өткөн алты жыл мен үчүн чейрек кылымга тете болду. Көп убадаларымды жүзөгө ашыра албадым. Ал үчүн кыргыз элинен кечирим сурайм. Ал эми жаңы президент Сооронбай Жээнбеков таза жана адилеттүү ажо болот деп ишенем", — деди Атамбаев.
Ушу тапта Алмазбек Атамбаев менен Сооронбай Жээнбеков Жогорку Кеңештин имаратына келишти.
