БИШКЕК, 23-ноя. — Sputnik. Мамлекеттик Бажы кызматынын жетекчи орун басары Райымбек Матраимов кызматынан бошотулду.
Матраимов "Мамлекеттик жарандык жана муниципалдык кызмат жөнүндөгү" мыйзамдын 47-беренесинин 3-бөлүгүнө ылайык ишенбөөчүлүк көрсөтүлүп кызматтан алынган. Бирок кайсы бөлүкчөсүнө ылайык кызматтан кеткени так жазылган эмес.
Белгилей кетсек, аталган мыйзамдын 47-беренесинин 3-бөлүгүндө мындай деп жазылган:
3) төмөнкү негиздердин бири болгондо ишенбөөчүлүк көрсөтүлгөндө:
а) ал анын тарабынын бири болуп саналган кызыкчылыктардын кагылышуусун болтурбоо жана/же жөнгө салуу боюнча өз убагында аракеттерди жасабаганда;
б) ушул Мыйзамда белгиленген учурларды копшогондо, жеке өзү ишкердик иш менен алектенгенде;
в) мыйзамда каралган учурларды кошпогондо, коммерциялык уюмдардын башкаруу органдарында иштегенде;
г) Этика кодексинин талаптарын, анын ичинде жумуш убактысынан тышкары бир нече жолу жана одоно бузганда — этика боюнча комиссиянын сунушу боюнча;
д) кирешелери, мүлкү жана милдеттенмелери жөнүндө декларация бербегенде же болбосо билип туруп так эмес же толук эмес маалыматтарды бергенде;
е) башка мамлекеттин жарандыгы бар экенин жаап-жашырганда;
ж) Кыргыз Республикасынын жарандыгы бар экени жөнүндө билип туруп жалган маалыматтарды бергенде;
