00:15 05 Баш оона 2021
Түз эфир
  • USD84.7102
  • EUR100.3901
  • RUB1.1638
Саясат
Кыскача шилтеме алуу
Кыргызстандагы президенттик шайлоо - 2017 (257)
75211

Шарт боюнча президенттик шайлоого катышкан бардык шайлоочулардын тең жарымынан бир добушка болсо дагы көп алган талапкер өлкө башчысы болуп дайындалат

БИШКЕК, 16-окт. — Sputnik. Кечээ, 15-октябрь күнү Кыргызстанда президенттик шайлоо өттү.

Шарт боюнча президенттик шайлоого катышкан бардык шайлоочулардын тең жарымынан бир добушка болсо дагы көп алган талапкер өлкө башчысы болуп дайындалат.

Алдын ала маалыматтарга караганда, азырынча Сооронбай Жээнбеков алдыда келе жатат.

Ал шайлоочулардын 54,8 пайыз добушун алса, 34 пайыз менен Өмүрбек Бабанов экинчи орунга чыкты.

Азырынча акыркы жыйынтык чыга элек, бирок добуш берүү бир гана тур менен өтсө, мыйзам боюнча жаңы президенттин инаугурация күнү качан экенин аныктаса болот.

  • 4-ноябрга чейин шайлоонун жыйынтыгы жарыяланышы керек (15-октябрдан тарта 20 календардык күн);
  • 7-ноябрга чейин расмий жыйынтыкты жарыялоо;
  • 7-декабрга чейин эл шайлаган президент өлкө алдында ант бериши керек (жыйынтык чыккандан тарта 30 күн).

58-берене. Президенттин кызматына киришүүсү

1. Шайланган Президент шайлоонун натыйжалары расмий жарыяланган күндөн тартып 30 календардык күндүн ичинде Жогорку Кеңештин депутаттарынын катышуусунда Кыргызстан элине төмөнкүдөй мазмундагы ант берет:

"Мен…, Кыргыз Республикасынын Президентинин кызматына киришип жатып, Кудайдын жана элимдин алдында мамлекет башчысынын ыйгарым укуктарын адилеттүү ишке ашырууга, адамдын жана жарандын укуктарын коргоого, Кыргыз Республикасынын Конституциясын так аткарууга, элибиздин биримдигин жана мамлекетибиздин бүтүндүгүн жана коопсуздугун сактоого ант беремин".

Ант президент тарабынан мамлекеттик тилде берилет.

Учурдагы президент Алмазбек Атамбаевдин президенттик кызматы 1-декабрь күнү аягына чыгат.

Тема:
Кыргызстандагы президенттик шайлоо - 2017 (257)

Тема боюнча

"Жээнбековду куттуктадыңызбы?" Бабановдун жообу
ШКУ байкоочулары: Кыргызстандагы шайлоо өлкө мыйзамына ылайык өттү
Бабанов: мен эч качан бийликти басып албайм
Белгилер:
Кыргызстан, президент, ант, инаугурация, мыйзам

ЭҢ МААНИЛҮҮ