Шаардык сот Текебаев жана Чотонов боюнча райсоттун чечимин күчүндө калтырды

© Sputnik / Расул УсеналиевДепутат Өмүрбек Текебаев жана мурдагы элчи Дүйшөнкул Чотонов сот залында. Архив
Депутат Өмүрбек Текебаев жана мурдагы элчи Дүйшөнкул Чотонов сот залында. Архив - Sputnik Кыргызстан
Жазылуу
Буга чейин Биринчи Май райондук соту Текебаев менен Чотоновду 8 жылга эркинен ажыратып, мүлкүн мамлекетке алуу боюнча өкүм чыгарган.

БИШКЕК, 2-окт. — Sputnik. Бишкек шаардык соту эл өкүлү Өмүрбек Текебаев менен мурдагы элчи Дүйшөнкул Чотоновдун доо арызын карап, Биринчи Май райондук сотунун өкүмүн күчүндө калтырды. Бул тууралуу Текебаевдин юристи Канатбек Азиз Sputnik Кыргызстан агенттигине билдирди.

Эске салсак, 16-августта Биринчи Май райондук соту Текебаев менен Чотоновду 8 жылга эркинен ажыратып, мүлкүн мамлекетке алуу боюнча өкүм чыгарган.

Шаардык сотто эл өкүлү менен мурдагы элчинин арызын Адиса Момуналиева башында турган сот коллегиясына караган.

"Шаардык сот өз өкүмүн соттолуучулардын катышуусуз окуду. Алар сотко каршы экенин билдирип, түшкө чейин сот залынан чыгып кетишкен. Ошондой эле жактоочулары да катышкан жок", — деди ал.

Канатбек Азиз кийинки кадам Жогорку сот экенин айтып, ал жакка качан арыз берерин так айткан жок.

Жаңылыктар түрмөгү
0