10:23 16 Бештин айы 2019
Түз эфир
  • USD69.8482
  • EUR78.0693
  • RUB1.1166
Сүрөт

"Биринчи мугалим" 50 жашка толду

Кыскача шилтеме алуу
738812
  • 19 жаштагы Наталья Аринбасарова жаш жеткинчек Алтынайдын ролун жараткан.
  • Жарандык согушту башынан кечирген кызыл армиячы Дүйшөндү комсомол тапшырма менен алыскы айылдардын бирине мугалим кылып жиберет. Болот Бейшеналиев танапис учурунда.
  • Кыйынчылыктарга карабай Дүйшөн ишинин актыгына ишенип, балдарга болгон билимин берүүгө жан дили менен аракет кылат. Мугалимдин айыл жашоочуларынын алдындагы жалындуу сөзү.
  • Дүйшөн кароосуз калган сарайга мектеп уюштурат. Бирок мектепке барыш үчүн чоң суудан өтүү керек.
  • Суудан өтмөк куруп жаткан мугалимге Алтынай жардам бермекчи болот.
  • Жаш режиссердун алгачкы толук метраждуу тасмасы дипломдук иш үчүн даярдалган. Кинооператор Георгий Рерберг үчүн да дебюттук картина болду. Кончаловский тартуу аянтында.
  • Суук түшүп калган күз айлары жаңы жашоого бөгөт боло албайт эле. Биринчи мугалим балдарды мектепке алып бара жатат.
  • Билимге карай жол бир топ кыйынчылыктар менен коштолот — айылдын караңгы эли балдарын мойнунан байлаган иттей болуп мектепке жиберүүдө.
  • Дүйшөн согушка чейин мугалим болуп эмгектенип келген. Согуштан кийин сүйгөн кесибине кайтууга белин бек байлаган.
  • Өспүрүм кыздын мугалимге болгон аруу сезими сюжеттин башынан аягына чейин көмүскө баяндалат.
  • Көшөгө артында. Гример актерлордун боёгун оңдоштурууда.
  • Алтынайдын туугандары анын окууга дилгирлигин таптакыр жактырышпайт, андыктан кызды коңшу айылдагы байга токол кылып беришет.
  • Алтынайдын кайтып келиши.
  • Дүйшөн Алтынайды алып кетүүдө.
  • Кончаловский биринчилерден болуп советтик азиалык тасмаларга ачык эпизоддорду киргизген.
  • Алтынайдын ыпластыктан тазаланып, арууланышы.
  • Кайымбайдын ролун жараткан Советбек Жумадылов.
  • Ленинград шаарына окуу үчүн кетип бара жаткан Алтынайдын Дүйшөн менен коштошуусу.
  • Өрттөлүп кыйраган мектептин ордуна жаңы мектеп салууга Дүйшөн белсене киришет.
Александр Федоров
19 жаштагы Наталья Аринбасарова жаш жеткинчек Алтынайдын ролун жараткан.

Чыңгыз Айтматовдун повестинин негизинде тартылган тасма 1965-жылы экранга чыккан. Тасманын сценарийи жана режиссерлук Сергей Михалковдун уулу Андрон Кончаловскийге таандык.

Жаш режиссердун алгачкы толук метраждуу тасмасы дипломдук иш үчүн даярдалган. Кинооператор Георгий Рерберг үчүн да бул  дебюттук картина болду. Тасма сынчылардын купулуна толуп, абройлуу эл аралык кинофестивалдарда сыйлыктарга ээ болгон. 

Башкы ролдогу Наталья Аринбасаровага Венецияда өткөн 27-эл аралык кинофестивалда аялдын мыкты ролун жаратканы үчүн "Вольпи" Кубогу ыйгарылган. Киевде өткөн Бүткүл союздук кинофестивалда тасма "Советтик экран" журналынын атайы байгесине татыган. Римдеги кинофестивалда "Юпитер Капитолийи" багынтса, Франциянын Йере шаарында өткөн жаш кинематографисттердин эл аралык фестивалында калыстар тобунун атайы байгесине ээ болгон.

Тасмадагы айрым ачык эпизоддору үчүн кезинде Мамлекеттик кино менен СССР Компартиясынын Борбордук комитети узакка талашып, тартышып отуруп, Чыңгыз Айтматов кадыры жана Сергей Михалковдун коргоосунун артында гана экранга чыгууга мүмкүнчүлүк алган. 

Башкы ролдорду жаш актерлор Болот Бейшеналиев менен Наталья Аринбасарова жараткан. Ал эми белгилүү чеберлер Советбек Жумадылов, Бакен Кыдыкеева менен Даркүл Күйүкованын тартылышы тасманын көркүн чыгарып, ийгилигин камсыздаган.

Тема боюнча

"Ак кеме" 40ка чыкты – камера артындагы белгисиз кадрлар
Ностальгияга салган Фрунзе жана азыркы Бишкек
Белгилер:
актриса, актер, кино тасма, кадрлар, "Биринчи мугалим" кино тасмасы, Наталья Аринбасарова, Андрей Кончаловский, Болот Бейшеналиев

Дагы сүрөт түрмөктөрү

ЭҢ МААНИЛҮҮ