20:35 09 Бештин айы 2021
Түз эфир
  • USD84.7914
  • EUR96.0093
  • RUB1.1521
Ой-пикир
Кыскача шилтеме алуу
123620

Россиялык саясий серепчи Федор Лукьяновдун айтымында, Трамп үчүн кызы Иванканын пикири өтө чоң мааниге ээ.

БИШКЕК, 24-мар. — Sputnik. АКШда канайымдын милдетин Дональд Трамптын кызы Иванка Трамп аткарырын Sputnik агенттигине "Россия в глобальной политике" журналынын башкы редактору Федор Лукьянов маек берип жатып билдирди. 

Анын айтымында, АКШда саясий элита негизинен династиялык принцип менен түзүлгөндүктөн, саясатчыларды үй-бүлөсүн ишине аралаштырганы үчүн эл жемелебейт.

"Иванка Трамп — абдан активдүү, өзүн эл алдында туура алып жүргөндү тыкыр өздөштүргөн айым. Ошондуктан көпчүлүк аны биринчи айымдын милдетин аткарууга толук жарап калды деп эсептейт. Ансыз деле бул ролду президенттин жубайы Меланияга караганда кызы Иванка аткарып калгандай элес калтырат. Анын үстүнө президенттин жубайы Вашингтонго көчүп келүүдөн баш тартып койгон", — деди Лукьянов.

Ошондой эле башкы редактор Иванка атасынын Япониянын премьер-министри Синдзо Абэ жана Германия канцлери Ангела Меркель менен болгон жолугушуусуна катышканы күтүүсүз болгонун кошумчалады.

"Иванка атасынын "тарс" этме билдирүүлөрүн жымсалдап, президентке жакшы таасир эте аларын көрсөттү", — деди ал.

Мындан тышкары, эксперт Иванка атасынын аялдардын укугу жана жаратылышты коргоо боюнча көз карашын толугу менен өзгөртүүгө жөндөмдүү экенин баса белгиледи.

Тема боюнча

Меланья Трамп биринчи айым катары өзүнүн алгачкы твитин жазды
Белгилер:
АКШ, Иванка Трамп, биринчи айым

ЭҢ МААНИЛҮҮ