02:38 23 Теке 2018
Түз эфир
  • USD68.2377
  • EUR79.4389
  • RUB1.0748
Журналист КТРК Эльнура Молдокадырованын архивдик сүрөтү

Элнура Молдокадырова менен Ренат Самудинов АКШдан үн катты

© Sputnik / Табылды Кадырбеков
Миграция
Кыскача шилтеме алуу
153411

Буга чейин журналист менен активист АКШ менен Мексиканын чек арасынан кармалганы айтылган.

БИШКЕК, 30-июн. — Sputnik. Журналист Элнура Молдокадырова өзүнүн YouTube каналына жолдошу Ренат Самудиновдун видео кайрылуусун жүктөдү. Анда жубайлар эмне себептен өлкөдөн чыгып кткени айтылган.

Молдокадырова менен Самудинов Америка Кошмо штаттары менен Мексиканын чек арасынан кармалган. Кийин Кыргызстандын Тышкы иштер министрлиги алар саясий башпаанек сурагынын айтышкан

Самудиновдун айтымында, алар сегиз ай бою Калифорния штатындагы Аделанто шаарында мыйзамсыз келгендерди кармоочу жайда болушкан.

Молдокадырова Кыргызстанды сагынып жатканын жазып, бул аралыкта аларды колдоп турган журналист, активист жана башкаларга ыраазычылык билдирди.

"Эң оор нерселер артта калды!", — деп жазды ал өзүнүн Facebook баракчасына.

Билдирмеге караганда, учурда жубайлар Чикаго шаарында. Самудиновдун айтымында, алар былтыр бийлик тарабынан катуу куугунтукка алынган.

"Жубайым журналисттик иликтөөлөрдү кылып, коррупциялык схемаларды тапкан. Өзүм болсо партияда иштеп жүрүп, депутат Данияр Аттокуровдун ушул сыяктуу иштерин билип калгам. Бул суроо боюнча ал кездеги президенттин администрация жетекчиси Фарид Ниязовго кайрылгам. Ал депутатка мени менен сүйлөшүп, жайгарып койгонун айтыптыр. Ошондон тарта бизге коркутуулар башталды", — деди Самудинов.

Ошондой эле активист алар соттон утуп алып, качкын статусуна ээ болушканын билдирди. Мындан тышкары, ал АКШда жүрсө дагы, өлкөнүн өнүгүшүнө колдон келген жардамын берерин кошумчалады.

Тема боюнча

Элнура Молдокадырова менен Ренат Самудинов АКШдан кармалганын ТИМ тастыктады
Молдокадырова Элнура Жумагазиевна — өмүр баяны
АКШда кармалган Элнура Молдокадырова менен Ренат Самудиновдун кайда экени аныкталды
Белгилер:
миграция, кайрылуу, Ренат Самудинов, Элнура Молдокадырова, АКШ
Колдонуу эрежелериПикирлер

ЭҢ МААНИЛҮҮ