23:22 08 Баш оона 2020
Түз эфир
  • USD77.0500
  • EUR91.1694
  • RUB1.0463
Окуялар
Кыскача шилтеме алуу
291310

Министрдин орун басары УКМКнын коррупцияга каршы кызматынын өкүлдөрүнө 10 миң доллар өлчөмүндө пара берип жаткан учурунда кармалган. Ошол эле күнү агенттиктин башчысы Анарбек Бекмуратов пара берүүгө катыштыгы бар экендиги аныкталган.

БИШКЕК, 8-фев. — Sputnik. Транспорт жана жолдор министринин орун басары Жеңишбек Ногойбаев менен мекеменин алдындагы Автоунаа, суу транспорту жана салмак габаритти көзөмөлдөө агенттигинин башчысы Анарбек Бекмуратов пара берди деп кармалды. Бул туурасында Улуттук коопсуздук боюнча комитеттин маалымат кызматы билдирди. 

Заместителя министра задержали с поличным при даче взятки в 10 тысяч долларов сотруднику Антикоррупционной службы ГКНБ.
© Фото / пресс-служба ГКНБ
Министрдин орун басары УКМКнын коррупцияга каршы кызматынын өкүлдөрүнө 10 миң доллар пара берип жаткан учурунда кармалган

Маалыматка ылайык, министрдин орун басары УКМКнын коррупцияга каршы кызматынын өкүлдөрүнө 10 миң доллар пара берип жаткан учурунда кармалган. Ал акча каражатын министрликтин алдындагы Автоунаа, суу транспорту жана салмак габаритти көзөмөлдөө агенттигинин кызматкерлеринин кылмыш ишин токтотуу максатында бергени айтылат. Ошол эле күнү агенттиктин башчысы Анарбек Бекмуратовдун пара берүүгө катыштыгы бар экендиги аныкталып, кармалган.

Сотко чейинки өндүрүштүк материалдар Кылмыш-жаза кодексинин 328-беренесинин 3-бөлүмү ("Пара берүү") боюнча Кылмыш жана жоруктардын бирдиктүү реестрине катталды.

Кармалгандар убактылуу кармоочу жайга киргизилген. Тергөө иштери жүрүп жатат.

Эске салсак, Ногойбаев 2018-жылдын аягы 2019-жылдын башында бир айга жетпеген убакыт бою министрдин орун басары болуп эмгектенген. Ал 2015-жылы сөгүш алып "Кыргыз автобекети" ишканасындагы директорлук кызматынан кеткен. Sputnik Кыргызстан агенттиги бул окуялар боюнча андан видео комментарий дагы алган.

Тема боюнча

Тендерди утасың деп 3 млн. сом алды делген сот департаментинин өкүлү кармалды
Схема түзүшкөн. Экотехинспекциянын өкүлдөрү пара менен кармалды
Белгилер:
пара берүү, кармоо, орун басар, Транспорт жана жолдор министрлиги, УКМК, Кыргызстан

ЭҢ МААНИЛҮҮ