БИШКЕК, 11-ноя. — Sputnik. Төкмө акын Акжолтой Канат уулу жол кырсыгына кабылып каза болду. Бул маалыматты акындын жакындары тастыктады.
Санаалаштарынын айтымында, Акжолтой Канат уулу келинчеги жана достору менен Бишкектен Кочкор районуна бара жатып бүгүн, 11-ноябрда, таңда кырсыкка кабылган.
Акжолтой Канат уулу 26 жашта. Белгилүү төкмө акын Майра Керим кызынын кичүү уулу. Ал да акындык өнөрдү аркалап, бир топ айтыштарга катышып келген.
