13:53 21 Аяк оона 2019
Түз эфир
  • USD69.8317
  • EUR77.1501
  • RUB1.0937
Милиция кызматкеринин шеврону. Архивдик сүрөт

Атамбаевдин жакын тууганы суракка чакырылды. Видео

© Sputnik / Табылды Кадырбеков
Окуялар
Кыскача шилтеме алуу
Атамбаевдин Кой-Таштагы үйүндөгү атайын операция (153)
136301

Мурунку президентти кармоо операциясы 7-августта башталып, эртеси аяктады.

БИШКЕК, 10-авг. — Sputnik. 7-август окуясы боюнча сотко чейинки өндүрүштүн алкагында көрсөтмө берүү үчүн Алмазбек Атамбаевдин жакын тууганы Нурбек Шаршенов менен КСДПнын штабында иштеген Кундуз Ажыбекова суракка чакырылды. Бул тууралуу Ички иштер министрлиги билдирди.

Белгилей кетсек, мурунку президент Алмазбек Атамбаевди кармоо операциясы 7-августта башталып, максатына жеткен эмес. УКМКнын атайын даярдыктагы бөлүмүнүн аскерлерине Атамбаевдин тарапташтары катуу каршылык көрсөтүп, ок атылган. Натыйжада спецназдын бир жоокери каза таап, 100дөн ашуун киши жаракат алган.

Атамбаев 8-август күнү кечинде сүйлөшүүлөрдөн кийин милиция кызматкерлерине багынып берген. Биринчи Май райондук соту анын баш коргоо чарасын тандап, 26-августка чейин камакта калтырды.

Ошондон кийин Атамбаевдин баласы, үзөңгүлөштөрү, партиялаштары суракка чакырылып, айрымдары убактылуу кармоочу жайга киргизилди.

Тема:
Атамбаевдин Кой-Таштагы үйүндөгү атайын операция (153)

Тема боюнча

Алмазбек Атамбаевдин баласы Сейтек Атамбаев билдирүү жасады
Атамбаевдин Кой-Таштагы үйү талап-тонолдубу? Милиция маалымат таратты
Согуш талаасындай! Атамбаевдин үйү атайын операциядан кийин. Сүрөттөр
Белгилер:
милиция, сурак, Кой-Таш, Алмазбек Атамбаев

ЭҢ МААНИЛҮҮ