520 миң доллар пара: соттолуп жаткан министрдин орун басары акыркы сөзүн айтты

© Sputnik / Эламан КарымшаковЗаседание по делу о возможном получении взятки Азимканом Жусубалиевым
Заседание по делу о возможном получении взятки Азимканом Жусубалиевым - Sputnik Кыргызстан
Жазылуу
Транспорт министринин экс-орун басары жол куруу боюнча тендерден уткан компаниянын кызыкчылыгын коргоо үчүн 520 миң доллар пара алды деген шек менен кармалган.

БИШКЕК, 30-июл. — Sputnik. Пара алууга шектелип кармалган транспорт жана жолдор министринин мурдагы орун басары Азимкан Жусубалиев сотто акыркы сөзүн айтты.

Аткаминердин иши Биринчи Май райондук сотунда каралып жатат. Акыркы сөзүндө Жусубалиев анын пара алып жатканы боюнча арыз жазган адам УКМКнын кызматкери экенин белгилеп, мындай кырдаал иштин акыйкат тергелишинен шек жаратарын билдирди.

"Бул иш менин үй-бүлөм үчүн чоң трагедия болду. Тегерегимде өмүр бою жакшы адамдар болгон. Эмгек жолумда эки чоң министрликте иштедим. Биринчиси — Коргоо министрлиги, экинчиси — Транспорт жана жолдор министрлиги. Баткен окуясына катышып, министрликтен Ардак грамота алгам. Жогорку саясий кызматтарда 9 жылдан ашуун эмгектендим. Бул ишке менин тиешем жоктугун айтам. Урматтуу сот, сиз бүгүн адилеттүү чечим чыгарарыңызга ишенем", — деп сөзүн жыйынтыктады Жусубалиев.

Айыпталуучулардын сөзүнөн кийин сот кеңешүү үчүн чыгып кетти. Бүгүн өкүм чыгары күтүлүүдө.

Пара менен кармалган транспорт жана жолдор министринин орун басары Азимкан Жусубалиев - Sputnik Кыргызстан
Чет өлкөдөгү жайдары сүрөттөр! Пара менен кармалган Жусубалиев тууралуу 6 факты
Мурдагы аткаминер менен кошо айыпкер катары тендерден уткан компаниянын Б.Г. аттуу кызматкери жана жең ичинен сүйлөшүүнү уюштурду делген Б.Т. аттуу жаран да соттолууда.

Эскерте кетсек, Азимкан Жусубалиев жол куруу боюнча өткөн тендерде чет элдик компаниянын кызыкчылыгын коргоо үчүн 520 миң доллар пара алууга макулдашкан деп 2018-жылдын 5-декабрында кармалган. Жусубалиев акчанын 50 миң долларын алып жатканда УКМК колго түшүргөн. Аткаминер андан мурдараак 120 миң долларын алганы, калганы кийинки жумада колуна тиймектиги айтылган.

Бул ишке байланыштуу ошондогу транспорт жана жолдор министри Жамшитбек Калилов президент Сооронбай Жээнбековдон жеме угуп, иштен кетүүгө аргасыз болгон

Виджет news
Жаңылыктар түрмөгү
0