16:43 23 Баш оона 2019
Түз эфир
  • USD69.7882
  • EUR77.2311
  • RUB1.0638
Мурдагы президент Курманбек Бакиев байкеси Жаныбек менен. Архивдик сүрөт

ЖМК Бакиевдер менен Урицкийдин Белоруссиядагы миллиондогон бизнестери тууралуу

© Sputnik / Андрей Стенин
Окуялар
Кыскача шилтеме алуу
1074 0 0

Курманбек Бакиевдин тууганы шотландиялык офшорлор аркылуу белоруссиялык корпорациянын 22,5 пайызын көзөмөлдөп турары белгилүү болду.

БИШКЕК, 19-июл. — Sputnik. Беларусь улуттук биотехникалык корпорациясында Курманбек Бакиевдин тууганы Асылбек Салиевдин үлүшү бар экендигин жергиликтүү Naviny.by басылмасы жазып чыкты.

31 жаштагы Асылбек Салиев — мурдагы президент Курманбек Бакиевдин иниси Жаныш Бакиевдин уулу. Британиялык реестрдин маалыматы боюнча, ал шотландиялык Altastar LP жана Maxforse LP компанияларын көзөмөлдөйт. Реестрдин сайтындагы маалыматка ылайык, эки компанияда тең үлүштөрү 75 пайыздан жогору экендигин байкоого болот.

Өз кезегинде Altastar LP компаниясынын 11 пайыз үлүшү, Maxforse LP компаниясынын 11,5 пайызы Белоруссия улуттук биотехникалык корпорациясына таандык экендиги белгилүү болду. Мындайча айтканда, Асылбек Салиев шотландиялык офшорлор аркылуу аталган корпорациянын 22,5 пайызын көзөмөлдөйт.

Белоруссиянын корпорациядагы үлүшү 25 пайызды түзөт. Кытайлык CITIC International Investments Ltd жана COFCO Corporation ири компаниялардын пайызы 20 жана 9дан туура келет. Уставдык фонддогу 1 пайыз - россиялык "Вирен-Инвест" компаниясына тиешелүү.

Британиялык реестрде Асылбек Салиев Белоруссиянын жарандыгын алып, ошол жакта жашаары айтылат. Ал Кыргызстанда гезиттер менен соттошкону менен белгилүү. Тагыраагы, 2008-жылы "Алиби" жана "Де-факто" гезиттериндеги анын унаа кырсыгына тиешеси бар деген маалымат беделине шек келтиргенин айтып, миллион сомго доомат койгон. Сот Салиевдин тарабында болгон.

Жакында эле Асылбек Салиев Курманбек Бакиевдин атынан Москвада ооз ачуу уюштурганы айтылган.

Беларусь улуттук биотехникалык корпорациясы Пуховичи шаарчасындагы 160 гектар жерге аминокислоталар, кошмо тоют жана премикс чыгарган ири комплекс салып жатканы айтылат. Долбоордун жалпы суммасы 733 миллион долларды чапчыйт. Анын ишке ашышына Кытайдын "Эксимбанкы" 628 миллион доллар жеңилдетилген насыя бөлгөн.

Корпорациянын директору Даниил Урицкий, тагыраагы, Кыргызстандын мурдагы премьер-министри Данияр Үсөнов болуп эсептелет.

Беларусь улуттук биотехникалык корпорациясынын топ-менеджерлери болуп мурдагы белгилүү аткаминер Надежда Котковец жана президенттик администрациянын орун басарынын уулу Илья Снопков саналат.

Тема боюнча

Урицкийби, Үсөновбу... жаза тайып чет жакка качсаңыз, атыңыз ким болмок? Оюн
Бакиевдер өлкөдөн мыйзамсыз чыгарып кеткен 4,6 млн. доллар кайтарылат
Белгилер:
офшор, бизнес, Курманбек Бакиев, Беларусь

ЭҢ МААНИЛҮҮ